.gif)
(2).gif)
_(1).gif)
.png)
काठमाण्डौ । म्युचुअल फण्डहरुमध्ये सर्वाधिक लगानीको भ्यालु बढाउने एनआइसी एशिया ग्रोथ फण्ड–२ ले वाणिज्य बैंकहरुको सेयरमा गरेको लगानीबाट मात्रै ३५.९१ प्रतिशत भ्यालु बढाएको छ ।
फण्डले असार मसान्तसम्म विभिन्न सूचीकृत कम्पनीहरुको सेयरमा गरेको लगानीको भ्यालु ४६ करोड ७० लाख रुपैयाँ पुगेको छ । यो जेठ महिनाको तुलनामा २६.०९ प्रतिशतले बढी हो । जेठ महिनामा सोे फण्डले सेयरमा गरेको लगानीको भ्यालु ३७ करोड ३ लाख रुपैयाँ मात्रै थियो ।
असार मसान्तसम्म आइपुग्दा फण्डले ८ वटा वाणिज्य बैंकको सेयरमा गरेको लगानीको मूल्य (भ्यालु) ७ करोड ७३ लाख रुपैयाँ रहेको छ । यो भ्यालु जेठ महिनाको तुलनामा ३५.९१ प्रतिशत बढी हो । जेठमा वाणिज्य बैंकको सेयरमा मात्रै गरेको लगानीको मूल्य ५ करोड ६९ लाख रुपैयाँ थियो ।
फण्डले वाणिज्य बैंकहरुमा एनएमबी बैंक, ग्लोबल आइएमई बैंक, प्राइम कमर्सियल बैंक, सानिमा बैंक, प्रभु बैंक, नबिल बैंक, नेपाल एसबीआई बैंक र नेपाल इन्भेष्टमेन्ट मेगा बैंकको सेयरमा लगानी गरेको छ ।
जसमध्ये ग्लोबल आइएमई, प्राइम कमर्सियल, सानिमा र नबिल बैंक गरी चारवटा बैंकको सेयरमा भने लगानी थपेको छ । फण्डले उक्त चारवटा बैंकको कुल ४८ हजार ८६० कित्ता सेयर थप गरेको छ, जसअनुसार सो फण्डको लगानीको भ्यालु बढ्न पुगेको हो ।
.gif)
.png)
.jpg)
.jpg)
(6).png)
(52).jpg)
(1).gif)
