.gif)
(1).gif)
(2).gif)
.gif)
.png)
काठमाण्डौ । युबीएस फोरकास्टले सन् २०२४ मा अन्तराष्ट्रिय बजारमा सुन र चाँदीको मूल्यमा वृद्धि हुने प्रक्षेपण गरेको छ । अमेरिकी केन्द्रीय बैंक‘फेडरल रिजर्भफेड)’ले ब्याजदरमा कटौति गर्ने अनुमान गर्दै युबीएसले सुन र चाँदीको मूल्य यस वर्ष बढ्ने जनाएको हो ।
‘फेडको ब्याजदर खुकुलो पार्ने नीतिका कारण यस वर्ष सुनको मूल्य बढ्ने हामीले अनुमान गरेका छौ । यसका साथै डलर कमजोर बन्दा समेत सुनको मूल्यवृद्धिलाई बल पुग्नेछ ।’इन्भेष्टमेन्ट बैंकका बहुमुल्य धातु रणनीतिकार जोनी टेभेसले भने । उनका अनुसार यस वर्षको अन्त्यसम्म सुनको मूल्य प्रतिऔंस २ हजार २ सय पुग्न सक्छ ।
.gif)
सुनको मूल्य र ब्याजदरबीच अप्रत्यक्ष सम्बन्ध रहेको छ । ब्याजदर घट्दा सुनको मूल्य बढ्ने गर्छ भने ब्याजदर बढ्दा घट्ने गर्छ । ब्याजदर कम हुँदा लगानीकर्ताले अन्य वैकल्पिक लगानी जस्तै बोन्डको तुलनामा सुनमा लगानी गर्न उपयुक्त ठान्ने गर्छन । बोन्डले ब्याजदर कम भएका बेला कमजोर प्रतिफल दिने गर्छ ।
अर्कोतर्फ ब्याजदर कम हुँदा डलर कमजोर हुने गर्छ । जसका कारण अन्तराष्ट्रिय बिक्रीकर्ताका लागि सुनको मूल्य सस्तो पर्न जान्छ । अन्ततःयसले सुनको माग बढाउँछ ।
फेडले ब्याजदरमा कति कटौति गर्ने भनेर आधिकारीक जानकारी दिएको छैन । तर युएसबीले फेडले ब्याजदरलाई केहि लचिलो बनाउने अपेक्षा गरेको छ । गत साता फेडले जनवरी महिनाका लागि ब्याजदरमा कुनै परिवर्तन नगर्ने जनाएको थियो ।
युएसबीले भने मार्च महिनामा फेडले ब्याजदरमा फेरबदल गर्न सक्ने जनाएको छ ।
सन् २०२३ कोअक्टोबर ७ मा इजराल–हमास युद्ध सुरु भएयता सुनको मूल्य अहिलेसम्मकै उच्च बिन्दु अर्थात प्रतिऔंस २ हजार १०० डलरको उचाईमा पुगेको थियो ।
भु-राजनीतिक जोखिमका बीच लगानीकर्ताले सुनमा लगानी बढाउने टेभिसले बताएका छन् ।
सुनका साथै–साथै चाँदीको मूल्यमा वृद्धि हुने उनले बताए । -एजेन्सी
.gif)
.png)
.jpg)
.png)
.png)
.jpg)
.jpg)
