.gif)
_(1).gif)
.png)
.png)
काठमाण्डौ । रिलायबल नेपाल लाइफ इन्स्योरेन्स कम्पनी लिमिटेडको नाफामा ४.९७ प्रतिशतको सामान्य वृद्धि देखिएको छ । कम्पनीले सार्वजनिक गरेको चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण अनुसार कम्पनीले समीक्षा अवधिसम्म २३ करोड ९ लाख रुपैयाँ नाफा कमाएको छ ।
अघिल्लो आवको सोहि अवधिमा कम्पनीको खुद नाफा २२ करोड ४६ हजार रुपैयाँमा सीमित थियो । कम्पनीले समीक्षा अवधिसम्म १ अर्ब ९३ करोड बीमाशुल्क संकलन गरेको छ । जुन आघल्लो आवको तुलनामा ८.१७ प्रतिशतले धेरै हो । अघिल्लो आवको समीक्षा अवधिसम्म कम्पनीले १ अर्ब ७८ करोड रुपैयाँबराबरको बीमाशुल्क अंकलन गरेको थियो । कम्पनीले लगानी कर्जा तथा अन्यबाट हुने आम्दानीबापत ६३ करोड ९० लाख रुपैयाँ कमाएको छ । जुन अघिल्लो आवभन्दा ५५.१५ प्रतिशतले धेरै हो ।
कम्पनीको कुल खर्च १३.६८ प्रतिशतले बढ्दै २ अर्ब १८ करोड पुगेको छ । समीक्षा अवधिसम्म कम्पनीले २ लाख ४५ हजार ९२० वटा पोलिसी जारी गरेको छ । कम्पनीले यो अवधिसम्म ५९ करोड ९४ लाख रुपैयाँ दाबी भुक्तानी गरेको छ । जुन अघिल्लो आवको दोस्रो त्रैमाससम्मको तुलनामा ५.०७ प्रतिशतले बढी हो ।
समीक्षा अवधिसम्म कम्पनीले १३ अर्ब ८२ करोड रुपैयाँ दिर्घकालिन र १ अर्ब ३७ करोड रुपैयाँ अल्पकालिन लगानी गरेको छ । कम्पनीके सञ्चित आम्दानीमा सुधार भएको छ । कम्पनीको सञ्चित आम्दानी ३२.१६ प्रतिशतले बढेदै १ अर्ब २३ करोड रुपैयाँ पुगेको छ ।
कम्पनीको प्रतिसेयर आम्दानी ११.५५ रुपैयाँ, प्रतिसेयर नेटवर्थ १७९.७१ रुपैयाँ, मूल्य आम्दानी अनुपात ४९.०१ र तरलता अनुपात ४३०.८४ गुणा कायम भएको छ ।
.gif)
.png)
(3).jpg)
.gif)
.gif)
.gif)
