.gif)
_(1).gif)
.png)
काठमाण्डौ । बाँकी विश्वसँग दुरी कायम राखेको उत्तर कोरिया अन्तराष्ट्रिय पर्यटकहरुका लागि पुनः खुला हुने भएको छ । उत्तर कोरियाले आगामी हिउँदमा अन्तराष्ट्रिय पर्यटकहरुलाई प्रवेश अनुमति दिने भएको हो ।
कोरोना महामारीपश्चात अन्तराष्ट्रिय पर्यटकका लागि बन्द भएको उत्तर कोरियाली सिमा पुनःखुल्न लागेको उत्तर कोरियामा टुर अपरेटर गर्दै आएका कम्पनीहरुले बताएका छन् ।
उत्तर कोरियामा भ्रमणको चाजोपाजो मिलाउने कम्पनी केटीजेट र कोर्यो टुर्सले बुधबार आफ्ना साझेदारहरुले उत्तर कोरियाली सरकारले केही स्थानका लागि प्रवेश खुलाउन लागेको जानकारी दिएको बताएका छन् ।
(1).gif)
रिपोर्टमा उत्तर कोरियाली शहर साम्जियोन अन्तरािष्ट्रय पर्यटकका लागि डिसेम्बर महिनासम्म खुल्ने जनाइएको छ । त्यस्पश्चात देशका अन्य शहरहरुलाई पनि अन्तराष्ट्रिय पर्यटकका लागि अनुमति दिइने जनाइएको छ ।
सन् २०२० देखि उत्तर कोरियाले अन्तराष्ट्रिय पर्यटकहरुलाई प्रवेशमा रोक लगाएको छ । केही अन्तराष्ट्रिय उडान भने गत वर्षदेखि सुचारु गरिएको थियो । गत फेब्रुअरीमा एउटा सानो रुसी टोलीले उत्तर कोरियाको भ्रमण गरेको थियो ।
कार्यो टुर्सका अनुसार उत्तर कोरियाले साम्जियोन शहरमा पर्यटन क्षेत्रको विकास र पूर्वाधारका लागि विगत केही वर्षदेखि काम गर्दै आईरहेको छ । यो शहर चीनको सिमा नजिक पर्छ ।
उत्तर कोरियाली सरकारी समाचार एजेन्सीहरुका अनुसार उत्तर कोरियाली शासक किम जोङ उनले गत महिना साम्जियोन शहरको अवलोकन गर्दै उच्च सभ्यता भएको पहाडी शहर भनेर प्रशंसा गरेका थिए ।
यस्तै उत्तर कोरियाको पूर्व तटीय क्षेत्रमा समेत पर्यटकीय क्षेत्र निर्माण गरिएको छ । पर्यटन क्षेत्रमार्फत उत्तर कोरियाले कोरोनाबाट प्रभावित अर्थतन्त्रलाई पुनरुत्थान गर्ने प्रयास गरिरहेको जनाइएको छ ।
कोर्यो टुर्सको वेबसाइटका अनुसार उत्तर कोरियाका जानका लागि प्रति व्यक्ति ६ सय युरोदेखि १४ सय युरोसम्म शुल्कको व्यवस्था रहेको छ । यो शुल्क जाने समय, बस्ने अवधि, समूहको आकार र बसाईमा तलमाथि हुन सक्छ ।
उत्तर कोरियामा दक्षिण कोरियाली नागरिक बाहेक अन्य सबै देशका पर्यटकले जान पाउँछन् ।
सन् २०१९ मा ३ लाख ५० हजार चिनियाँ पर्यटकले उत्तर कोरियाको भ्रमण गरेका थिए ।
.gif)
.png)
(1).jpg)
(1)(1).jpg)
.jpg)
.jpg)
.gif)
.gif)
