.gif)
.gif)
.jpg)
.png)
काठमाण्डौ । एक महिनाको अवधिमा बजारमा नगद परिचालन १.४५ प्रतिशतले घटेको छ । नेपाल राष्ट्र बैंकले सार्वजनिक गरेको साउन महिनाको मासिक विवरणमा यस्तो देखिएको हो ।
विवरण अनुसार साउन महिनासम्ममा बजारमा ६ खर्ब ७० अर्ब २० करोड रुपैयाँबराबरको नगद परिचालन भएको छ । गत असार महिनासम्ममा भने बजारमा ६ खर्ब ८० अर्ब ४ करोड रुपैयाँबराबरको नगद परिचालन भएको थियो ।
(1).gif)
साउन महिनासम्म केन्द्रीय बैंकमा बैंक तथा वित्तीय संस्थाहरुको निक्षेप २ खर्ब ६७ अर्ब रुपैयाँ पुगेको छ । जुन असार महिनाको तुलनामा ७.८७ प्रतिशतले कम हो । असार महिनासम्म केन्द्रीय बैंकमा बैंक तथा वित्तीय संस्थाको निक्षेप २ खर्ब ९० अर्ब रुपैयाँ थियो ।
यस्तै राष्ट्र बैंकमा सरकारको निक्षेप भने बढेको छ । असार महिनासम्म ६३ अर्ब ९५ करोड रुपैयाँ सरकारी निक्षेप रहेकोमा साउनसम्म बढेर १ खर्ब ६६ अर्ब पुगेको छ ।
साउन महिनासम्म राष्ट्र बैंकमा बैंक तथा वित्तीय संस्थाले ७ अर्ब ७५ करोड रुपैयाँबराबरको विदेशी मुद्रा निक्षेप गरेका छन् । जुन असार महिनाको तुलनामा ३९.७७ प्रतिशतले कम हो ।
साउन महिनासम्ममा राष्ट्र बैंकको कुल स्वेदेशी मुद्रा सम्पत्ति ९२ अर्ब ७२ करोड रुपैयाँबराबर र कुल स्वदेशी दायित्व १४ खर्ब ५३ अर्ब रुपैयाँबराबर रहेको छ ।
यस्तै कुल विदेशी मुद्रा सम्पत्ति २० खर्ब १ अर्ब र कुल विदेशी मुद्रा दायित्व ४६ अर्ब ९७ करोड रुपैयाँबरारब रहेको छ ।
.png)
.gif)
.jpg)
.png)
.jpg)
.png)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।