.gif)
_(1).gif)
काठमाण्डौ । नियमित स्तम्भ ग्राउण्ड जिरोलाई आज पनि हामीले निरन्तरता दिएका छौं । यसै क्रममा आज हामी त्रिपुरेश्वर, सुन्धारा आसपासका ब्रोकर हाउसहरुमा पुगेका थियौं । आज राजधानीमा दिनभर जसो झरी परेको थियो । झरी जस्तै आज सेयर बजार पनि एकोहोरो झरेको थियो ।
बिहानी सुरुवाती कारोबारका क्रममा बजार केही अंकले बढेको थियो । तर त्यो बढाई लामो सयमसम्म भने टिक्न सकेन । बजारमा बिस्तारै बिक्री दबाब पर्न थाल्यो र परिसूचक घट्न थाल्यो ।
आज सबैभन्दा पहिले हामी त्रिपुरेश्वरमा रहेको इन्भेष्टमेन्ट म्यानेजमेन्ट नेपाल (स्टक ब्रोकर नम्बर ५३) मा पुग्यौं । ब्रोकर हाउसमा लगानीकर्ताहरुको उपस्थिति खासै थिएन । उपस्थित लगानीकर्तामा पनि उत्साह थिएन । बजार र ब्रोकर हाउसको चहलपहल दुवैमा कमी देखिन्थ्यो । लगानीकर्ता बजारको घटाईको विश्लेषण गर्दै थिए । एक लगानीकर्ताले कारोबार तथा भोल्युम घट्दै गएकाले बजार दशैं अघि एकपटक फर्कन सक्ने आँकलन गरे ।
.gif)
दशैं आउन निकै समय छ । त्यो भन्दा पहिले त बजार एकपटक अवश्य फर्कन्छ नै,’ ती लगानीकर्ताले ढुक्क हुँदै भने । ती लगानीकर्ताले बजार फर्कने झिनो आशा व्यक्त गर्दै गर्दा बजार भने एकहोरो घटिरहेको थियो । यहाँबाट हामी नजिकैको सेवा सेक्युरिटिज (स्टक ब्रोकर नम्बर ५४) मा पुग्यौं । यहाँ पनि लगानीकर्ताको उपस्थिति शुन्य प्रायः थियो । यहाँ एक दुई नयाँ लगानीकर्ता मात्रै देखिन्थे भने डिस्प्ले बन्द नै थियो ।
केही समय यहाँ व्यतित गरेपछि यहाँबाट हामी सुन्धारास्थित सुन्धारा (सेक्युरिटिज स्टक ब्रोकर नम्बर ५२) मा पुग्यौं । यस बेलासम्म दिनको साढे १२ बजिसकेको थियो । बजार सामान्य अंकले तल–माथि गर्दै थियो । यस ब्रोकरमा भने लगानीकर्ताहरुको उपस्थि ठीकै देखिन्थ्यो । तर पहिले बजार बढ्दा जसरी आज कुनै पनि ब्रोकर हाउमा लगानीकर्ताहरु देखिएनन् । ‘अहिलेसम्म जम्मा साढे २ अर्बको कारोबार भयो । आज १० अर्ब हाराहारीको कारोबार हुने भयो । भोल्युम ड्राई भयो भने त बजार फर्कन्छ’ एक लगानीकर्ताले वार्तालापको क्रममा भनेको सुनियो ।
यसै ब्रोकरमा भेटिएका अर्का एक लगानीकर्ताले भने आज केही सेयरमा स्टप लस गर्न बाध्य बनेको बताए । ती लागनीकर्ताले भने, ‘बढ्दो बजारमा केही बढी सेयर किनिएछ । हिसाब मिलाउनै पर्यो । आज स्टप लस गरियो ।’ उनले सेयर बजारबाट पैसा कमाउन त्यति सजिलो नभएको स्विकार्दै यस क्षेत्रमा धेरै अध्ययन र ज्ञान आवश्यक पर्ने औंल्याए ।
‘बजार यस्तै हो । म भने यो क्षेत्रको खेलाडी हो । म ५२ साल देखिको खेलाडी हो । सेयर बजारबाट नै घर गाडी जोडियो । कहिले नाफा हुन्छ, कहिले घाटा हुन्छ । सेयर बजार यस्तै हो,’ उनले भने । यसै ब्रोकरमा भेटिएका अर्को एक लगानीकर्ताले अहिले सेयर बेच्ने तत्कालै बजार नफर्कने तर बजारै छाडेर पनि नजाने दाबी गरे । ती लगानीकर्ताले भने, ‘ढिलो चाँडो बजार अवश्य फर्कन्छ ।’
ब्रोकर हाउसमा यस्तै गल्फति चल्दै थिए । हामी भने अर्को ब्रोकर हाउस नासा सेक्युरिटिज (.स्टक ब्रोकर नम्बर ५८) मा पुग्यौं । यहाँ पनि अन्य दिन जस्तो लगानीकर्ताको उपस्थिति थिएन । भेला भएका केही लगानीकर्ताहरुको मुहारमा चमक हराएको थियो । बजार एकहोरो ओरालो लागिरहेको थियो । यतिकैमा भीडबाट एक लगानीकर्ताले निराश हुँदै भने, ‘होइन यो बजार चट्टै छाडेर हिडौ जस्तो पो भो त । घट्न पनि कति सकेको ?’ आज ब्रोकर हाउसमा भेटिएका केही लगानीकर्ताहरु निराश र केही आशाबादी देखिन्थे । केही लगानीकर्ताले अब दशैंपछि बजारले अल टाइम हाईको उचाई ब्रेक गर्नेमा विश्वस्त देखिन्थे ।
.jpg)
.gif)
.gif)
.gif)
