.gif)
.gif)
(9).jpg)
.png)
काठमाण्डौ । नेपाल बीमा प्राधिकरणमा उजुरीको चाङ थुप्रिएको छ । दाबी भुक्तानी लगायत विभिन्न कारणले प्राधिकरणमा परेका उजुरीमध्ये करिब ३ सयवटा मुद्दाको फैसला हुन बाँकी रहेको देखिएको छ ।
प्राधिकरणको तथ्याङ्कअनुसार आव २०७९/८० देखि परेको ४३७ वटा मुद्दामा २८७ वटा मुद्दाको फर्छ्यौट हुन बाँकी रहेको हो । प्राधिकरणका अनुसार गत आवमा १०१ वटा मुद्दाहरुमा फैसला र ४९ वटा मुद्दामा भने सहमति गराएको छ ।
(1).gif)
आव २०७९/८० मा फर्छ्यौट हुन बाँकी रहेका १९२ वटा मुद्दा, गत आवमा २४४ वटा नयाँ उजुरी र पुनरावेदनबाट आएको १ वटा गरी कुल ४३७ वटा मुद्दा रहेकोमा प्राधिकरणले १५० वटा मुद्दाको मात्रै फैसला तथा सहमति गराएको छ ।
प्राधिकरणले आव २०७९/८० मा १४९ वटा मुद्दा फर्छ्यौट गरेको थियो भने आव २०७८/७९ मा १५२ वटा, आव २०७७/०७८ मा ९३ वटा मुद्दा फर्छ्यौट गरेको थियो ।
प्राधिकरणका अनुसार १८६ वटा मुद्दा सरेर आएको र १५५ वटा नयाँ पर्दा कुल ३४१ वटा मुद्दा थियो । त्यसमध्ये १४९ वटा मुद्दाको फैसला तथा सहमति भई फर्छ्यौट हुन बाँकी १९२ वटा मुद्दा गत आर्थिक वर्षमा सरेर आएको थियो ।
फैसला हुन बाँकी रहेका उजुरीअनुसार सम्बन्धित बीमा कम्पनी, बीमित र सेयरधनीहरुलाई कार्यालयमा बोलाएर छलफल गरी विवादलाई समझदारीमा टुंग्याउन प्रयास गरिने प्राधिकरणले जनाएको छ । प्राधिकरणको प्रत्येक बोर्ड बैठकमा पर्न आएका उजुरीहरुमा छलफल गरी मुद्दा फैसला गराउने अर्थात् दुईपक्षबीचको विवादलाई सहमतिमा टुंग्याउने प्राधिकरणका अध्यक्ष सुर्यप्रसाद सिलवालले बताए ।
प्राधिकरणमा बीमित, कर्मचारी तथा सेयरधनीहरुले विभिन्न विषयमा उजुरी दिएका हुन्छन् । विशेषगरी जीवन बीमा भन्दा निर्जीवन बीमा कम्पनीहरुविरुद्ध बीमितहरुले उजुरी दिने गरेको प्राधिकरणले जनाएको छ । प्राधिकरणका अनुसार निर्जीवन बीमा कम्पनीहरुविरुद्ध दाबी भुक्तानीको विषयमा धेरै उजुरी पर्ने गरेको छ ।
हरेक आर्थिक वर्षमा उपभोक्ताले गरेको बीमा पोलिसीको दाबी भुक्तानी नतिरेको बीमा कम्पनीहरुमाथिको उजुरी र मुद्दाको चाङ लाग्ने गर्दछ । बीमा कम्पनीले दिने सेवा तथा सुविधामा चित्त नबुझेमा बीमित अथवा सेवाग्राहीले सीधै बीमा प्राधिकरणमा उजुरी गर्न सक्ने व्यवस्था छ ।
.png)
.jpg)
.png)
(1).gif)
.gif)
