.gif)
_(1).gif)
.png)
काठमाण्डौ । एनसेलका सबै ग्राहकहरुले अब मज्जाले टिकटक चलाउन सक्नेछन् । एनसेलले आज शुक्रबार (भाद्र २१) बाट टिकटक प्याक संचालनमा ल्याएको छ र साथै सबै सधैं सामाजिक सञ्जाल चलाउनका लागि पाइने निःशुल्क डेटामा टिकटक पनि समावेश गरेको छ ।
ग्राहकहरुले करसहित मात्र रु १७५ मा सातदिन सम्ममा अनलिमिटेड टिकटक चलाउन पाउँछन् । त्यतिमात्र नभई यसमा अन्य प्रयोजनका लागि ग्राहकले इन्टरनेट प्रयोग गर्न २ जीबी डेटा पनि प्राप्त गर्ने कम्पनीले एक विज्ञप्तिमार्फत जनाएको छ ।
सरकारबाट टिकटकको प्रयोगमा लगाइएको रोक हटेसँगै एनसेलले प्रदान गर्दै आएको सधैं अनका सबै प्याकहरुमा निःशुल्क पाइने सोसल मिडिया डेटामा पनि टिकटक थपिएको हो । यसको मतलब अब सधैं अन प्याकहरुमा ग्राहकले फेसबुक, इन्स्टाग्राम र युट्युबका साथसाथै टिकटक पनि निःशुल्क रुपमा आउने डेटाबाट चलाउन पाइनेछ ।
“नेपालमा औधी मन पराइएको सामाजिक सञ्जाल टिकटकमा लगाइएको रोक हटाइनु दूरसञ्चार क्षेत्र र ग्राहकहरु सबैका लागि स्वागतयोग्य छ र यसका लागि हामी नेपाल सरकार, सञ्चार तथा सूचना प्रविधि मन्त्रालय र नेपाल दूरसञ्चार प्राधिकरणलाई धन्यवाद दिन चाहन्छौं,” एनसेलका चिफ कमर्सियल अफिसर, उमेर मोहसीनले भनेः “हामीले आजैबाट लागू हुने गरी शुलभ दरमा टिकटकमा पहुँच दिने टिकटक प्याक ल्याएका छौं र साथै सधैं अन प्याकका सोसल मिडिया डेटामा टिकटक पनि समेटेका छौं । यसले हाम्रा ग्राहक वर्गलाई टिकटकको पहुँच अझै सहज हुने विश्वास लिएका छौं ।”
.gif)
.png)
.jpg)
.gif)
.gif)
.gif)
