(1).gif)
(1).gif)
.gif)
.png)
काठमाण्डौ । आज नेप्से परिसूचक २ प्रतिशत भन्दा बढीले घट्यो । बजार घट्दा आज आघिल्लो दिनको तुलनामा कारोबार पनि घटेको छ । पछिल्लो बजारलाई मनी फ्लो इन्डेक्सबाट नियाल्दा केही समय ओभर बट जोन ९५ बाट खसेको बजार हाल २२ को ओभर सोल्ड जोनमा आएको छ ।
मनी फ्लो इन्डेक्सले प्राइस र भोल्युम दुबैलाई प्रतिनिधित्व गर्ने भएको कारण यो इन्डिकेटर बढी भरपर्दो रहेको हुन्छ । बढ्दो बजारमा मनी फ्लो इन्डेक्स लामो समय ८० भन्दा पनि माथि रहन सक्छ । यदि मनी फ्लो इन्डेक्स ९० भन्दा माथि लागेमा बेच्नका लागि अलर्ट हुनु पर्ने हुन्छ ।
त्यसैगरि, घट्दो बजारमा पनि यस्तो इन्डेक्स लामो समय २० भन्दा तल रहन सक्छ । तर यो बिन्दुबाट तल लागेमा खरिदको लागि अलर्ट रहनु पर्ने हन्छ । किनकी बजारले कुनै पनि समय रिभर्सल लिन सक्ने सम्भवाना रहन्छ । यद्यपी आजको बजारलाई डाउ थेउरीबाट नियाल्दा भने आज २६८० विन्दुबाट पनि तल खसेर नयाँ लोअर लो बनाएको छ ।
यसले बजारमा गिरावटको निरन्तरता नै रहन सक्ने हुन्छ । डाउ थेउरीमा हायर लो कन्फर्मेसन पछि मात्रै बजारमा इन्ट्रीको रणनीति लिन उपयुक्त हुन्छ । अन्य इन्डिकेटर बोलिङ्गरमार्फत हेर्दा आज बजार तल्लो ब्याण्ड नजिक आएको छ । आरएसआई पनि करिब अघिल्लो पटकको लोअर विन्दु नजिक आएको देखिन्छ ।
बजारलाई यी सबै इन्डिकेटरबाट नियाल्दा बजारमा करिब–करिब बटम लाग्दै गरेको भन्न सकिन्छ । तर यसको निश्चितताका लागि भने अझै एक–दुई कारोबार नियाल्नु पर्ने हुन्छ ।
नोटः सेयर बजारमा लगानी जोखिमपूर्ण हुन्छ, यो बिश्लेषण कारोबारका लागि सिफारिस भने होइन ।
(1).gif)
(1).gif)
(2).gif)
.png)
.gif)
.jpg)
.jpg)
.jpg)
(1).gif)
