घट्दो बजारमा भोल्युम ड्राई अप हुनुलाई प्राविधिक रुपमा कसरी बुझ्ने ?

STOCK MARKET
मंगलवार, भाद्र २५,२०८१ 18:28:47

काठमाण्डौ । नेप्सेमा गत साउन ३० गते हालसम्मकै उच्च कारोबार भएको थियो । त्यो दिन हालसम्मकै उच्च कारोबार अर्थात ३० अर्ब रुपैयाँ बढीको सेयर कारोबार भएको थियो । त्यो समयमा एकै घण्टामा ९ अर्बसम्मको कारोबार भएको थियो ।

त्यस पछि बिस्तारै सेयर कारोबार घटेर आज मंगलबार ७ अर्बमा खुम्चिएको छ । बजार घट्दै जाँदा कारोबार पनि घट्नुले भोल्युम ड्राइ हुँदै गएको संकेत गरेको छ । यसले किन्ने र बेच्नेबीच तीव्र बार्गेनिङ चलेको बुझ्न सकिन्छ ।

विगतलाई नियाल्दा बजारमा केही समय भोल्युम ड्राई अप भए पछि बिस्तारै बजारले अप ट्रेन्ड लिएको देखिन्छ । यो बुल भित्रको करेक्नस भएकाले अहिले पनि बजारमा केही समय भोल्युम अझै ड्राई अप ४/५ अर्ब मात्रै भएर बजारले रिर्भसल पनि लिन सक्छ ।

क्याण्डल स्टिकबाट आज बजारलाई नियाल्दा आज इन्भर्टेड प्रकृतिको क्याण्डल बनेको छ । लामो समय पछिको घट्दो बजारमा रातो क्याण्डल पछि यदि बजारमा यस्तो क्याण्डल देखा पर्छ भने त्यसलाई सम्भाबित रिभर्सलको आँकलन गर्न सकिन्छ । तर यसको निश्चितताको लागि भने अझै पनि बजारलाई केही समय नियाल्नु पर्ने हुन्छ ।

नोटः सेयर बजारमा लगानी जोखिमपूर्ण हुन्छ, यो विश्लेषण कारोबारको लागि सिफारिस भने होइन ।