बजार घट्दा कारोबार भने बढेको नेप्सेको अबको यात्रा कस्तो ?(प्राविधिक विश्लेषणसहित)

काठमाण्डौ । आज बजार ५० अंकले घट्दा कारोबार भने बढेको छ । बजार घट्दा कारोबार बढ्नुलाई त्यति राम्रो मानिदैन । अघिल्लो कारोबारमा बजार बढ्दा ८ अर्ब १७ करोड कारोबार भएकोमा आज १० अर्ब ३३ करोड कारोबार भएको छ ।  

पछिल्लो समयको बजारलाई बिभिन्न इन्डिकेटरबाट नियाल्दा बजारमा तीव्र बिक्री दबाब परेको देखिन्छ । अघिल्लो कारोबारमा ७८ अंकले बढेको बजारमा पुनः बिक्री दबाब आउनुले अझै पनि बिक्रीकर्ता नै हाबी भएको देखिन्छ । बोलिङ्गर ब्याण्ड मार्फत बजारलाई नियाल्दा बजार तल्लो ब्याण्डमा नै चलेको देखिन्छ ।  

तल्लो ब्याण्डमा चलेको बजार यदि मध्य ब्याण्ड ब्रेक गरेर माथि जान नसकुन्जेल बजार कमजोर नै रहेको मानिन्छ । म्याक्डीमा पनि बजारले यस अघि नै बियरिस क्रसओभर बनाएको छ । हिस्टोग्राम लामा–लामा नै रहेका छन् । डाउ थेउरीमा बजारले लोअर हाई र लोअर लोका सिरिज बनाउँदै गएको छ । यसले बजारमा बिक्री दबाब परेको देखिन्छ ।  

आरएसआई भने हाल ओभर सोल्ड जोन भन्दा तल चलेको देखिन्छ । समग्रमा सबै इन्डिकेटरबाट नियाल्दा बजार कमजोर बन्दै गरेको देखिन्छ । पिभट् मार्फत नियाल्दा हालको पिभट् प्वइन्ट २६८३ बाट तल खसेकाले बजारले क्रमशः २६०६ , २५२५ र २४४८ मा सपोर्ट लिन सक्नेछ ।  

त्यसैगरि, बढेमा भने बजारले २७६५ , २८४२ तथा २९२३ विन्दुमा प्रतिरोधको सामना गर्न सक्नेछ ।  

नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।