खस्कदो अर्थतन्त्रलाई उकास्न चीनको केन्द्रीय बैंकले गर्यो यस्तो निर्णय

काठमाण्डौ चीनको केन्द्रीय बैंकले देशको खस्कदो अर्थतन्त्रलाई पुनरुत्थान गर्ने उपायहरूको एक प्रमुख प्याकेज घोषणा गरेको छ।

पिपुल्स बैंक अफ चाइना (पीबीओसी) का गभर्नर प्यान गोङसेङले कर्जाको लागत घटाउने र बैंकहरूलाई उनीहरूको ऋण बढाउन अनुमति दिने योजना घोषणा गरेका छन् ।  

विश्वको दोस्रो ठूलो अर्थतन्त्रले यस वर्ष आफ्नो ५ वृद्धिको लक्ष्य गुमाउने तथ्याङुकहरू सार्वजनिक भएसँगै केन्द्रीय बैंकको यस्तो निर्णय सार्वजनिक भएको हो । प्यानको यस्तो घोषणापछि एशियाको सेयर बजारमा हरियाली छाएको छ ।  

गभर्नर प्यानले केन्द्रीय बैंकले नगद बैंकहरूले रिजर्भमा राख्नु पर्ने रकम (आरआरआर)कटौती गर्ने बताए । आरआरआर आधि प्रतिशतले घटाइने बताइएको छ ।  

चीनको संकटग्रस्त सम्पत्ति बजारलाई बढावा दिने उद्देश्य स्वरुप वर्तमान मोर्गेजमा ब्याजदर कटौती र  सबै प्रकारका घरहरूमा न्यूनतम डाउन पेमेन्टलाई १५ प्रतिशतमा झारिएको छ ।  

चीनको घर जग्गा उद्योगले २०२१ देखि तीव्र मन्दीको सामना गरिरहेको छ।