नेपाल लाइफ इन्स्योरेन्सद्वारा व्यतित बीमालेख नविकरण गर्दा ३०% सम्म छुटको व्यवस्था

काठमाण्डौ । नेपाल लाइफ इन्स्योरेन्स कम्पनी लिमिटेडले व्यतित बीमालेख नविकरण गर्दा ब्याज छुट दिने घोषणा गरेको छ ।

कम्पनीले व्यतित भएका सम्पूर्ण बीमालेखहरु असोज ९ देखि कात्तिक २३ गतेसम्म नविकरण बीमाशुल्क भुक्तानी गर्ी सुचारु गरेमा बीमालेख नविकरण गर्दा लाग्ने विलम्ब शुल्कमा छुट प्रदान गरिने कम्पनीले जनाएको छ ।

कम्पनीका ३ वर्षसम्म व्यतित भएका बीमालेखमा ३० प्रतिशत, ३ वर्षभन्दा माथि ५ वर्षसम्म व्यतित भएका बीमालेखमा २५ प्रतिशत र ५ वर्षभन्दा माथि व्यतित भएका बीमालेखमा २० प्रतिशत छुट प्रदान गरिने छ ।

यस योजनामा समावेश भएका बीमालेखहरु नविकरणको मितिदेखि १ वर्षभित्र सरेण्डर भएमा प्रदान गरिएको विलम्ब छुट सुविधाको सम्पूर्ण रकम कट्टा गरिने कम्पनीले जनाएको छ । यस्तो छुट बीमा एकपटक लिइसकेका बीमितलाई बीमा आवधिभर पुनः प्रदान नगरिने कम्पनीले जनाएको छ ।