.gif)
_(1).gif)
.png)
काठमाण्डौ । नेपाल पर्यटन बोर्ड र संयुक्त राष्ट्रसंघीय विकास कार्यक्रम यूएनडीपीद्वारा संयुक्त रुपमा सञ्चालित परियोजना जीविकोपार्जनका पुनरुत्थानका लागि दिगो पर्यटन परियोजना (एसटीएलआरपी) को सहयोग तथा नेपाल पर्यटन यातायात व्यवसायी संघको (एनटीभीए) संगको सहकार्यमा पर्यटक सवारीका चालक तथा सहचालकका लागि तीन दिवसीय क्षमता अभिवृद्धि प्रशिक्षण काठमाण्डौमा सम्पन्न भएको छ।
तालिममा २५० जना प्रशिक्षार्थीको सहभागिता थियो। तालिममा सैद्धान्तिक र व्यावहारिक विषयवस्तुको संयोजनसहित यातायात सुरक्षा, जोखिम, ट्राफिक ज्ञान, पर्यटन व्यवहारलगायतका विषयमा प्रशिक्षण दिइएको थियो।
पर्यटनमा यातायात क्षेत्र पर्यटकसँग प्रत्यक्ष सरोकार राख्ने क्षेत्र भएको, चालक तथा सहचालकको व्यवहार हेरेर पनि पर्यटकले देशप्रतिको दृष्टिकोण बनाउने हुनाले उनीहरुलाई प्रशिक्षित गर्न आवश्यक रहेको महसुस गरी तालिमको आयोजना गरिएको थियो। तालिम फलदायी भएको नेपाल पर्यटन बोर्डका निर्देशक तथा परियोजनाका राष्ट्रिय कार्यक्रम संयोजक मणिराज लामिछानेले जानकारी दिए।
तालिममा हरेक दिन फरक–फरक समूहलाई प्रशिक्षण दिइएको परियोजनाको जीविकोपार्जन पुनरुत्थानका लागि दिगो पर्यटन परियोजना (एसटीएलआरपी) का जीविकोपार्जन विज्ञ धर्म दवाडीले जानकारी दिए।
एनटीभीएले पनि समय–समयमा चालक सहचालकहरुका लागि अभिमुसखकरण तालिम आयोजना गर्ने गरेको भए पनि अहिले एकैपटक यति ठूलो संख्यामा सहभागिलाई तालिम प्रदान गरिएको हो। तालिम प्रभावकारी भएको एनटीभीएका अध्यक्ष सन्तोष न्यौपानेले बताए।
एनटीभीएका संस्थापक अध्यक्ष रामहरि शर्माले संस्थाले समय समयमा यस्ता तालिम आयोजना गरे पनि कोभिडपछि जनशक्ति पलायन भएको अवस्थामा आयोजित तालिमले नयाँ चालक सहचालकलाई पर्यटकीय व्यवहार र अन्य टापिकक ज्ञान बढ्ने बताए।
तालिमका सहभागीहरुले समेत तालिम व्यवहारिक भएको र यसले आफूहरुमा कामप्रतिको जिम्मेवारी बोध बढाएको प्रतिक्रिया दिए।
(1).gif)
.gif)
.png)
.jpg)
.gif)
(1).gif)
.gif)
