६ साता लगातार घट्यो नेप्से, होला त ‘भी’ सेप रिकभरी ?

काठमाण्डौ । यो साता सेयर बजारमा ५ दिन कारोबार भयो  । ५ दिनको कारोबारमा बजार ३  दिन घट्यो भने २ दिन मात्रै बढ्यो । अघिल्लो साता २५ सय ७६ विन्दुमा बन्द भएको बजार यो साता २४ सय ८६  विन्दुमा बन्द भयो । यस हिसाबले यो साता सेयर बजार ९० अंकले घट्यो । अघिल्लो साता बजार १११.७९ अंकले घटेको थियो ।

यो साताको ५ दिनको कारोबारमा २६ अर्ब ९७ करोडबराबरको कारोबार भयो । यो हिसाबले यो साता ५ अर्ब  ४ करोडको औषत कारोबार भयो । अघिल्लो साता यस्तो कारोबार २३ अर्ब ९ करोडबराबरको कारोबार भएको थियो ।  

यो साता बजार पूँजीकरण ३९ खर्ब ५४ अर्ब पुग्यो । अघिल्लो साता बजार पूँजीकरण ४० खर्ब ९७ अर्ब कायम थियो  । यस हिसाबले यो साता नेप्से घट्दा बजार पूँजीकरण १ खर्ब ४३ अर्बले घटेको छ । यो साता पनि नेप्से घट्दा बजार पूँजीकरण र कारोबार दुबै घट्यो ।

इलिअट वेभः

इलअिट वेभमा विभिन्न डिग्रीहरु हुने गर्छन् । त्यस्ता डिग्रीहरुले साना–ठूला गरेर एक दिनदेखि एक सय बर्षसम्मको समय अवधलिाई प्रतिनिधित्व गर्छन् । इलअिट वेभमा मूल्य माथि जान पाँच फरक–फरक वेभ हुन्छन् भने तल जान ३ वेभ हुन्छन् ।  

माथि लाग्ने पाँच वेभमा पनि ३ वटा बढोत्तरीका र २ वटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, ‘सी’ले मूल्य तथा सूचक तल जाने संकेत दिन्छ ।

यो सातासम्म बजार ६ हप्ता निरन्तर खसेको छ । यो साता पनि वियरिस प्रकृतिको क्याण्डल नै बनेको देखिन्छ । बजारलाई विभिन्न इन्डिकेटरबाट नियाल्दा मनी फ्लो इन्डेक्समा बुलिस डाइभर्जेन्स बनेको छ भने आरएसआई ओभर सोल्ड जोनमा पुगेको देखिन्छ । भोल्युम पनि निकै ड्राइ अप बनेको छ । बजारलाई भोल्युम र कारोबारबाट नियाल्दा करिब बटमको बिन्दुमा बजार पुगेको देख्रिन्छ ।  

इलिअट वेभबाट नियाल्दा बजारमा एबीसीको करेक्टिभ मोड चलेको देखिन्छ । एबीसीमा पनि ‘सी’ वेभ भित्रको पाँचौ वेभ प्यान्डिङ हुन सक्छ । जसलाई इलिअट वेभले बनाएको प्याट्रन , यो साताको कारोबार र इन्डिकेटर जस्ता विषयले थप पुष्टि गर्छ । सामान्यतया वेभ ‘ए’ बराबर वेभ ‘सी’ हुने गर्छ । ‘सी’ वेभ भित्रका चक्रलाई नियाल्दा बजारले अझै केही अंक गुमाएर ‘भी’ सेपमा रिकभर लिन पनि सक्छ । अथवा ‘सी’ वेभ टंकेसन पनि हुन सक्छ । आगामी बजारको अवस्था यही नै हुन्छ भनेर हालसम्मको बजारले केही प्रष्ट बताएको छैन । तर बजारले बटम लगाएको र आगामी साताबाट रिकभरि लिन सक्ने सम्भावना भने बढी नै देखिन्छ ।  

बोलिङ्गर ब्याण्ड, म्याक्डी र आरएसआई  

साप्ताहिक रुपमा बोलिङ्गर ब्याण्डको आधारमा हेर्दा अपर ब्याण्डबाट खसेको बजारले मध्य ब्याण्डमा सपोर्ट लिँदै गरेको देखिन्छ । म्याक्डीमा भने यो साता बजारमा वियरिस क्रसओभर बनेको छ भने हिस्टोग्राम नेगेटिभ बनेको देखिन्छ । साप्ताहिक रुपमा आरएसआई ५३ को तहमा चलेको छ । सगम्रमा तीन वटै इन्डिकेटरबाट नियाल्दा बजार सपोर्टको तहमा आउँदै गरेको देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – २८७३

प्रतिरोध २ – २८०४

प्रतिरोध १–  २६९०

पिभट् प्वइन्टः २६२०

घटेमा सपोर्ट  

सपोर्ट १– २५०७

सपोर्ट २– २४३७

सपोर्ट  ३ –२३२४

निष्कर्षः साप्ताहिक रुपमा बजारलाई नियाल्दा यो सातासम्म बजारमा लगातार ६ साता लगातार करेक्सन आएको छ । कारोबार तथा भोल्युम भने बिस्तारै ड्राई अप हुँदै गएको छ । कारोबारबाट नियाल्दा बजारमा हाल तीब्र बार्गेनिङ चलेको देखिन्छ । इलिअट वेभबाट नियाल्दा बजार ‘सी’ वेभ भित्रको पाँचौ वेभमा चल्दै गरेको देखिन्छ ।  

अर्थात बजारले करिब बटम लगाउदै गरेको भन्न सकिन्छ । तर इन्डिकेटर तथा कारोबारबाट नियाल्दा यो साता ९० अंकले घटेको बजारले हालसम्म प्रष्ट रुपमा कुनै कन्फर्मेसन भने दिएको देखिदैन । यद्यपी बजारले इलिअट वेभको कुनै एउटा चक्र पूरा गरे पछि बुल बजारमा पुन ‘भी’ सेपमा नै रिकभरी लिन पनि सक्छ ।  

नोटः सेयर बजारमा लगानी जोखिमपूर्ण हुन्छ, यो विश्लेषण कारोबारकान लागि सिफारिस भने होइन ।