.gif)
.gif)
.jpg)
.png)
काठमाण्डौ । माछापुच्छ्रे बैंक लिमिटेडले आफ्नो २४ औँ वार्षिकोेत्सव विविध सामाजिक उत्तरदायित्वका कार्यक्रमहरू आयोजना गरी मनाईरहेको छ । ‘उत्सव र सहयोग’भन्ने नाराका साथ बैंकले असोज महिनालाई वार्षिकोसत्व अभियानको रुपमा लिएको हो ।
यसै अवसरमा बैंकले असोज १८ गते केन्द्रिय कार्यालय तथा बैंकका सम्पूर्ण शाखा कार्यालयहरुमा केक काटेर वार्षिकोत्सव मनाएको छ ।
हरेक वर्ष असोज १७ गतेलाई वार्षिकोत्सव दिनको रुपमा मनाउंदै आएको बैंकले यस वर्ष २४ औँ वार्षिकोत्सवको अवसरमा आफ्ना ग्राहकहरुलाई विभिन्न प्रकारका विशेष सुविधाहरु प्रदान गर्दै आएको जनाएको छ ।
यस्तै, बैंकले ‘उत्सव र सहयोग’भन्ने नाराका साथ देशभर रहेका विभिन्न शाखाहरुमार्फत संस्थागत सामाजिक उत्तरदायित्वअन्र्तगत सहयोगका कार्यक्रमहरू समेत सञ्चालन गरिरहेको छ ।
जसअन्तर्गत बैंकले वृद्धाश्रम तथा बालमन्दिरहरूमा सहयोग, वृक्षारोपण, वित्तीय साक्षरता प्रवद्र्धन कार्यक्रम जस्ता सामाजिक उत्तरदायित्वका गतिविधिहरू सञ्चालन गरिरहेको छ ।
केहिदिन अगाडी मात्रै आएको बाढी पहिरोमा परि विस्थापित भएका काभ्रे जिल्लाको रोशी गाउपालिका १ र २ का बाढी पहिरो पिडित घरपरिवारलाई २०० थान ब्लाङ्केट बैंकले प्रदान गरेको छ । बाढी पहिरोका कारण विभिन्न स्थानहरुमा बाटो अवरुद्ध हुदाँ बैंकले उक्त ब्लाङ्केटहरु रोशी गाँउपालिकाका अध्यक्ष दिनेश लामालाई हस्तान्तरण गरेको हो । यसलगायत बैंकका विभिन्न शाखा कार्यालयहरुको माध्यमबाट स्थानिय तहमा आवश्यक विभिन्न सामाजिक कार्यमा सहभागी हुदै आएको बैंकले जनाएको छ।
यसैगरी, बैंकले २४ औ वार्षिकोत्सवको अवसर पारेर ग्राहकलक्षित विभिन्न अफरहरु सञ्चालनमा ल्याएको छ । बैंकले असोज १ देखि ३० गतेसम्मको अवधीमा यस बैंकको मोबाइल बैंकिङ एमबीएल एम स्मार्ट,डेबिट कार्ड, क्रेडिट कार्ड, डलर क्रेडिट तथा डलर प्रिपेड कार्ड लिने नयाँ ग्राहकहरुलाई विशेष छुटको योजना ल्याएको छ । जसअन्र्तगत बैंकको डेबिट कार्ड लिने ग्राहकहरुले कार्ड लिदाँ पहिलो वर्षको जारी शुल्कमा शतप्रतिशत छुट र त्यस पछिको दुई वर्षसम्म पनि कार्ड नवीकरण शुल्कमा शतप्रतिशत छुट प्रदान गरिरहेको छ । बैंकले क्रेडिट कार्ड जारी गर्दा सदस्यता तथा जारी शुल्कमा आकर्षक प्याकेज बनाई पाँच वर्ष अवधीको लागि एकमुष्ट रु.२४ सय मात्रमा प्रदान गरिरहेको छ ।
साथै, बैंकले मोबाइल बैंकिङ एमबीएल एम स्मार्ट(एप) सेवाको सदस्यता शुल्कमा वार्षिक ५०% सम्मको छुट, डलर क्रेडिट कार्ड र डलर प्रिपेड कार्ड जारी गर्दा जारी शुल्कमा पहिलो वर्ष २४ प्रतिशतसम्मको छुट प्रदान गर्नेछ ।
बैंकले देशभर रहेका १६५ शाखा कार्यालयहरु २०१ एटीएम, १११ शाखारहित बैंकिङ सेवा, १२ एक्सटेन्सन काउण्टमार्फत सेवा प्रदान गर्दै आईरहेको छ ।
.png)
.jpg)
.jpg)
.jpg)
.gif)
(1).gif)
.gif)
