.gif)
.gif)
(1).jpg)
.png)
काठमाण्डौ । दशैंपछि सेयरबजारमा आक्रामक सुधार देखिएको छ । हिजदेखि खुलेको बजारले लय समात्न थालेको देखिन्छ । मंगलबार ३१.४८ अंकले बढेको नेप्से परिसूचक आज फेरी ४३.२२ अंकले बढेको छ ।
मंगलबार ३ अर्बको कारोबार भएको थियो भने आज साढे ५ अर्बमाथिको सेयर कारोबार भएको छ । यसर्थ सुस्ताएका लगानीकर्ताहरु फेरी बजारतर्फ आकर्षित हुन थालेका छन् ।
नेपालीहरुको महान चाड दशैं पनि भर्खरै सकिएको छ । दशैंबाट पाएको दक्षिणा रकम फजुल खर्च नगरी सेयरबजारमा लगानी गर्न अहिले विशेष अवसर हुन सक्छ । सेयरबजारमा प्रवेश गर्न चाहाने अर्थात् थोरै रकम भइकन पनि लगानी गर्न चाहानेहरुका लागि सेयरबजारमा सस्ता कम्पनीका सेयरहरु प्रशस्तै छन् ।
अझै भन्नुपर्दा दशैंबाट पाएको दक्षिणा वा आफुसँगै बचत रहेका स–सानो रकमले समेत सेयरबजारमा इन्ट्री गर्न सक्नेछ । बजारमा केही वाणिज्य बैंक, हाइड्रोपावर कम्पनीका सेयरभाउ २ सय रुपैयाँको हाराहारीमा छन् । त्यस्ता कम्पनीको सेयर खरिद गरी भविष्यमा सेयरबजारबाटै मनग्य रिटर्न पाउन सक्नुहुनेछ ।
अझ सेयरबजारमा नयाँ प्रवेशी अर्थात् थोरै रकम लगानी गर्न चाहानेहरुका लागि म्युचुअल फण्डहरु उचित विकल्प हुन सक्छ । अहिले बजारमा अधिकांश म्युचुअल फण्डहरुको इकाई मूल्य १० रुपैयाँ भन्दा कम छ । यस्ता घट्दो बजारको प्रभावले फण्डहरुको प्रतिइकाई खुद मूल्य ९न्याभ० घटेर १० रुपैयाँका हाराहारीमा आइसकेको छ । तर केही महिनाअघि सेयरबजार बढ्दा फण्डहरुको न्याभ बढेर १२÷१३ रुपैयाँको हाराहारीमा पुगेको थियो ।
सेयरबजारमा न्याभकै आधारमा म्युचुअल फण्डहरुको इकाई खरिदबिक्री हुन्छ । अहिले फण्डहरुको न्याभ घटेको अवस्थामा बजार प्रवेश गर्न चाहानेहरुका लागि म्युचुअल फण्डका इकाई खरिद गर्ने उपयुक्त अवसर पनि हो । बजारमा अहिले अधिकांश फण्डको इकाई १० रुपैयाँ भन्दा सस्तोमै खरिद गर्न पाइन्छ । यदि तपाई दशैंमा पाएको दक्षिणा रकम वा तपाईसँग बचतमा रहेको सानो रकमलाई लगानीमा परिणत गर्न चाहानुहुन्छ भने म्युचुअल फण्डहरु उचित विकल्प हुन सक्छ ।
कुनको न्याभ कति ?
म्युचुअल फण्डहरुले प्रकाशित गरेको वित्तीय विवरणअनुसार भदौ महिनामा सबै फण्डको न्याभ घटेको छ । भदौमा बजार घटेका कारण फण्डरुको न्याभ घट्न पुगेको हो ।
भदौमा सबैभन्दा बढी न्याभ एनएमबी सुलभ इन्भेष्टमेन्ट फण्ड– को १३.५१ रुपैयाँ छ । त्यस्तै, एनएमबी–५०, प्रभु स्मार्ट फण्ड, प्रभु सेलेक्ट फण्ड र हिमालयन ८०–२० को १२ रुपैयाँ भन्दा बढी छ ।
त्यस्तै, ग्लोबल आइएमई ब्यालेन्स्ड फण्ड–१ सँगै २६ वटा न्याभको प्रतिइकाई खुद सम्पत्ति मूल्य ११ रुपैयाँ भन्दा बढी छ भने एनआइसी एशियन सेलेक्ट–३० सँगै ११ वटा फण्डको न्याभ भने १० रुपैयाँ भन्दा माथि छ । म्युचुअल फण्डहरुमध्ये सबैभन्दा कम न्याभ एनआइबीएल स्टेबल फण्डको ९.९८ रुपैयाँ छ ।
.png)
.jpg)
(50).jpg)
(75).jpg)
.gif)
(1).gif)
.gif)
