कच्चा तेलको मूल्य २% भन्दा बढीले घट्यो, प्रतिब्यारेल कतिमा हुँदैछ कारोबार ?

काठमाण्डौ । अन्तराष्ट्रिय बजारमा कच्चा तेलको मूल्य घटेको छ । पछिल्लो कारोबार सत्रमा कच्चा तेलको मूल्य २ प्रतिशतभन्दा बढीले घटेको छ । ब्रेन्ड क्रुडको मूल्य २.०९ प्रतिशत अर्थात १.५२ डलरले घटेर प्रतिब्यारेल ७१.०४ डलर पुगेको छ ।    

यस्तै डब्लुटीआई क्रुडको मूल्य पनि २.४५ प्रतिशत अर्थात १.६८ डलरले घटेको छ । यो गिरावटसँगै डब्लुटीआई क्रुडको मूल्य प्रतिब्यारेल ६७.०२ डलर कायम भएको छ ।  

गत बुधबार प्रकाशित अमेरिकी मुद्रास्फितीको प्रतिवेदनबमोजिम बढ्दो महङ्गीसँग जुध्न फेडरल रिजर्भको लडाई लामो समयसम्म जारी रहने अनुमान गरिएको छ । बढ्दो मुद्रास्फितीले फेडरल रिजर्भलाई ब्याजदर कटौतीको योजना रोक्न बाध्य तुल्याउने छ । उच्च ब्याजदरले डलरलाई अन्य मुद्राको तुलनामा  बलियो बनाउने र यसले कच्चा तेलको मागमा कमी आउने अनुमान गरिएको छ । यहि कारण कच्चा तेलको मूल्यमा गिरावट आएको हो ।  

यस्तै मध्य–पूर्वमा जारी तनावका बीच आपूर्ति श्रुखला प्रभावित बन्ने सक्ने आँकलनले पनि तेलको मूल्यमा कमी आएको जनाइएको छ ।