यस्ता ७ प्रकारका व्यक्तिले भुलेर पनि क्रेडिट कार्ड प्रयोग नगरेकै राम्रो !

काठमाण्डौ । जब आफूसँग पैसाको अभाव हुुन्छ, अर्थात नगदको समस्या उत्पन्न हुुन्छ, तब यस्तो समयमा क्रेडिट कार्डले अहम भूमिका खेल्ने गर्दछ ।

तथापि क्रेडिट कार्ड प्रयोग गरेबापत यसका प्रयोगकर्ताले उच्च ब्याजदर पनि तिर्नुु पर्दछ । संकटको बेलामा क्रेडिट कार्ड सबैभन्दा भरपर्दो र विश्वासिलो साथी साबित हुुने गर्दछ । तर, यदि यसको सही प्रयोग गरिएन भने यसले क्रेडिट स्कोरलाई प्रभाव पार्नुुका साथै ऋणको जालोमा धकेल्ने गर्दछ ।

यहीकारण विज्ञहरुले क्रेडिट कार्ड प्रयोग गर्दा सावधानी अपनाउन चेतावनी दिने गर्दछन् । यो चेतावनी ती मानिसहरुका लागि सबैभन्दा धेरै काम लाग्ने गर्दछ,जो आफ्नो आर्थिक अवस्थाको बारेमा सजक हुुने गर्दैनन् र जोसंग पैसाको व्यवस्थापन गर्ने कौशल हुँदैन । यस्ता मानिसहरु सजिलैसँग ऋणको दलदलमा फस्ने गर्दछन् । त्यसैले हामी तपाईलाई केही यस्ता व्यक्तिहरुको बारेमा बताउँदैछौ, जसले क्रेडिट कार्ड प्रयोग गर्नबाट बच्नु पर्दछ ।  

१.उक्साहटमा र उत्साहमा बहकिएर किनमेल गर्ने व्यक्ति  

उक्साहट र उत्साहमा बहकिएर किनमेल गर्ने व्यक्तिहरु फजुुल र अनावश्यक खर्च गर्ने गर्दछन् । उनीहरुको खर्च गर्ने प्याटर्नका कारण आफ्नो कार्डको सीमा पार गर्ने गर्दछन् । यस्तो बानी उनीहरुका लागि राम्रो मानिँदैन । किनकि बैंकहरुले यस्ता व्यक्तिहरुलाई ऋणको भोको भएको सम्झन्छन र उनीहरुको क्रेडिट स्कोर कमजोर बन्न पुुग्दछ । जब भविष्यमा यस्ता व्यक्तिहरुले कुुनै पनि प्रकारको क्रेडिट कार्डका लागि आवेदन दिंदा त्यो अस्वीकार हुुने सम्भावना एकदमै उच्च हुुने गर्दछ ।  

२.विलम्ब गरी बिल भुुक्तानी गर्ने व्यक्ति

समयमै आफ्नो बिलको भुुक्तान नगर्ने र सबैभन्दा ढिलो भुक्तान गर्ने व्यक्तिहरुलाई अनुशासनहीन र गैरजिम्मेवार ढंगले बिल भुक्तान गर्ने व्यक्ति मानिन्छ । त्यसैले भुुक्तानको समयसीमा समाप्त भइसकेपछि क्रेडिट कार्ड राख्नु उनीहरुका लागि जोखिमपूर्ण कार्य हुुन सक्छ । क्रेडिट कार्ड भुुक्तान ढिलो गरी गर्दा जरीवानाका साथै उच्च ब्याजदर तिर्नुपर्ने हुुन्छ । यसले कुनै पनि क्रेडिट रिपोर्टलाई बिगार्न सक्छ । त्यसैले यदि तपाइलाई आफूले समयमै बिल भुक्तानी गर्नसक्दैन जस्तो लाग्छ भने क्रेडिट कार्य प्रयोग गर्नबाट बच्नु पर्दछ ।  

३.दैनिक खर्च गर्ने व्यक्ति  

जुुन व्यक्ति आफ्नो दैनिक खर्चका लागि क्रेडिट कार्डको प्रयोग गर्ने गर्दछन्, उनीहरु ऋणको जालोमा फस्ने गर्दछन् र यो सिलसिला चलिनै रहन्छ । त्यसैले यस्ता व्यक्तिहरुले पनि क्रेडिट कार्ड प्रयोग गर्नबाट आफूलाई टाढै राख्नुु पर्दछ ।  

४.बिरलै कार्ड प्रयोग गर्ने व्यक्ति  

केही व्यक्तिहरु यस्ता पनि हुुने गर्दछन् जसले एकभन्दा धेरै कार्डहरु प्रयोग गर्ने गर्दछन् । तर उनीहरु बिरलै मात्रै क्रेडिट कार्डको प्रयोग गर्ने गर्दछन् । क्रेडिट काडको अत्यधिक प्रयोगले क्रेडिट स्कोरमा असर पारे जस्तै यसको कम प्रयोगले पनि यसको उद्देश्य र औचित्यलाई समाप्त गर्ने काम गर्दछ । यदि क्रेडिट कार्ड हुँदा  समेत यसको उपयोग हुँदैन भने क्रेडिट कार्डधारीले यसको उचित प्रयोग गरेको ठहरिदैन ।  

५.ऋणमा फसेका व्यक्ति

ऋणमा डुबेका व्यक्तिले समेत क्रेडिट कार्डको प्रयोग गर्नु वृद्धिमानी मानिदैन । पहिले देखिनै घर कर्जा,अध्ययन कर्जा, अटो कर्जा र व्यक्तिगत कर्जामा फसेका व्यक्तिले थप कर्जा लिदा समस्या निम्तन सक्छ । जसका कारण व्यक्तिको वित्तीय अवस्था खस्किन पनि सक्छ ।  

६.समयमै कर्जा भुक्तानी गर्न नसक्ने व्यक्ति

क्रेडिट कार्डको भुक्तानी समयमै नगरे ब्याज तथा शुल्क थप बढ्न सक्छ । यदि कुनै व्यक्ति क्रेडिट कार्डको भुक्तानीका बारेमा सुनिश्चित हुन सक्दैन भने त्यस्तो व्यक्तिले समेत क्रेडिट कार्ड नलिनु नै उपयुक्त हुन्छ ।    

७ कम आम्दानी भएका व्यक्ति

कम आम्दानी भएका व्यक्तिले समेत क्रेडिट कार्ड लिनबाट बच्नु पर्छ । नियमति आम्दानी नहुने वा कम आम्दानी भएका व्यक्तिहरुले क्रेडिट कार्डको भुक्तनी तिर्न नसक्दा यसले वित्तीय अवस्था थप कमजोर बनाउन सक्छ ।