.gif)
(2).gif)
.png)
_(1).gif)
.png)
काठमाण्डौ । आज दुई बीमा कम्पनीको लाभांश सुरक्षित गर्ने अन्तिम दिन रहेको छ । हिमालयन रि इन्स्योरेन्स र एशियन लाइफ इन्स्योरेन्स कम्पनीको लाभांश सुरक्षित गर्ने आज (फागुन ६ गते) अन्तिम दिन रहेको हो ।
हिमालयन रि इन्स्योरेन्सले लाभांश वितरण तथा साधारण सभा प्रयोजनको लागि सोमबार फागुन ७ गते र एशियन लाइफले फागुन ८ गते बुक क्लोज गर्दैछन् । यसर्थ आजसम्म नेप्सेमा कारोबार भई कायम भएका सेयरधनीहरुमात्रै यी कम्पनीहरुद्वारा प्रस्तावित लाभांश प्राप्त गर्न सभामा सहभागी हुन योग्य हुनेछन् । भोली फागुन ७ गते प्रजातन्त्र दिवसको सार्वजनिक बिदा परेकाले नेप्सेमा कुनै सेयर कारोबार हुने छैन ।
.gif)
हिमालयन रिले गत आर्थिक वर्ष २०७९/८० का लागि ४ प्रतिशत बोनस सेयर र ०.२१ प्रतिशत नगद लाभांश(कर प्रयोजनका लागि) गरी कुल ४.२१ प्रतिशत लाभांश वितरणको प्रस्ताव गरेको छ । कम्पनीले आगामी फागुन २० गते वार्षिक साधा्रण सभा आयोजना गर्दैछ । उक्त सभाबाट कम्पनीके प्रस्तावित लाभांश पारित गरिनेछ ।
त्यस्तै एशियन लाइफले पनि गत आवका लागि ७.७५ प्रतिशत बोनस सेयर र ०.४०७ प्रतिशत नगद लाभांश(कर प्रयोजनका लागि) गरी कुल ८.१६ प्रतिशत लाभांश घोषणा गरेको छ । कम्पनीले आगामी फागुन १८ गते आयोजना गर्ने वार्षिक साधारण सभाबाट उक्त लाभांश पारित गरिनेछ ।
.png)
.jpg)
(1).jpg)
.jpg)
(2).png)
(1).gif)
.gif)
