राष्ट्रबैंकको बैंकिङ र मुद्रा व्यवस्थापन विभाग सर्‍यो

काठमाण्डौ । नेपाल राष्ट्रबैंकको बैंकिङ र मुद्रा व्यवस्थापन विभाग थापाथलीस्थित नवनिर्मित भवनमा स्थानान्तरण भएको छ ।  

राष्ट्रबैंकको सम्पत्ति तथा सेवा व्यवस्थापन विभागले एक सूचना प्रकाशित गर्दै यी दुवै विभागको सेवा पुस १ गतेदेखि थापाथलीस्थित बैंकको नवनिर्मित भवनबाट पाइने प्रष्ट पारेको हो । 

थापाथलीमा रहेको धेरै पुरानो भवन भूकम्पबाट समेत क्षतिग्रस्त भएपछि भत्काएर नयाँ बनाउन थालिएको थियो । भवन बन्न थालेपछि साबिकमा सोही ठाउँमा रहेको मुद्रा व्यवस्थापन विभाग अन्यत्र सारिएको थियो ।

अब नयाँ भवन बनेसँगै सो विभाग पुरानै ठाउँमा फर्किएको हो । सँगै बैंकिङ विभागलाई समेत त्यहाँ स्थानान्तरण गरिएको केन्द्रीय बैंकले जनाएको छ ।