अब ह्वाट्सएप र कलमा उपलब्ध हुनेछ च्याटजीपीटी, यसरी गर्न सकिन्छ प्रयोग

काठमाण्डौ । ओपन एआईले आफ्नो च्याटबट, ‘च्याटजीपीटी’लाई विस्तार गरेको छ ।  हालसम्म च्याटबटलाई प्रयोग गर्न एप डाउनलोड गर्नुपर्ने वा वेब भर्जनको प्रयोग गर्नुपर्ने अवस्था रहेकोमा अब भने प्रयोगकर्ताहरुले ह्वाट्सएप वा कलमा एक्सेस गर्न सक्नेछन् ।  

यसका लागि प्रयोगकर्ताले केवल एउटा नम्बर मात्रै डाइल गर्नु पर्नेछ वा त्यो नम्बरमा ह्वाट्सएप गर्नुपर्नेछ । कम्पनीले अमेरिकी प्रयोगकर्ताहरुले च्याटजीपीटीको पहुँच फ्रि एक्सेस कलमा पाइने जनाएको छ । तर यो एक्सेस केवल १५ मिनेटका लागि मात्रै हुनेछ ।  

त्यस्तै ह्वाट्सएपमा च्याटजीपीटी प्रत्येक त्यो ठाउँमा उपलब्ध हुनेछ ,जहा च्याटजीपीटीको सेवा पहिलेदेखि नै उपलब्ध छ । कम्पनीले यो नयाँ तरिकाबाट च्याटजीपीटीलाई सजिलो माध्यमबाट ग्राहकहरुमाझ पुर्याउन चाहेको जनाएको छ । द भर्जको रिपोर्टका अनुसार ओपन एआईका चिफ प्रोडक्ट अफिसर केभिन वेलले यो नयाँ फिचरलाई केहि साताभित्रै विकास गरिने बताए ।  

फोन लाइनमा च्याटजीपीटीलाई एक्सेस गर्नका लागि ओपन एआईको रियल टाइम एपीआई प्रयोग गरएको छ । त्यस्तै ह्वाट्सएपमा जीपीटी फोरओ मिनि रहेको छ । जसलाई एपीआईको माध्यमबाट जोडिएको छ । तर कम्पनीले एड्भान्स फिचर,धेरै युज लिमिट र पर्सनलाइज अनुभव चाहन्छन्, उनीहरुले आफ्नो ट्रेडिशनल च्याटजीपीटी अकाउन्ट प्रयोग गर्न सक्छन् ।  

ह्वाट्सएपमा कसरी प्रयोग गर्न सकिन्छ च्याटजीपीटी ?

अमेरिकी प्रयोगकर्ताले १–८००–च्याटजीपीटी मा कल गरेर यो च्याटबटमा एक्सेस गर्न सक्छन् । अर्थात प्रयोगकर्ताले १–८००–२४२–८४७८ मा कल गर्नुपर्नेछ । त्यस्तै ह्वाट्सएपमा यसको प्रयोगका लागि १–८००–२४२–८४७८ मा म्यासेज गर्नुपर्नेछ ।