यी हुन् सन् २०२५ मा आउने लक्जरी रेल, पेरिसदेखि बर्लिन ८ घण्टामै

काठमाण्डौं । यतिबेला विश्वभर फाइभ स्टार सेवा सुविधा भएका लक्जरी ल्याण्ड क्रुज रेलको निकै माग बढेको छ । यस्तोमा सन् २०२५ मा विश्वभरका विभिन्न देशमा सुविधा सम्पन्न र तीव्र गतिका रेल आउँदैछन् ।  

यस्ता रेलहरु इटली, फ्रान्स, साउदी अरेबिया र बेलायत जस्ता देशमा पहिलोपटक देखिन पाइने भएको छ ।  

पेरिस देखि बर्लिन ८ घण्टामा  

युरोपका सबैभन्दा ठूला दुई राजधानी पेरिस र बर्लिन सन् २०२५ मा तीव्र गतिको रेलमार्फत जोडिदै छन् । जर्मनीको डेउस्चे बहामले गत डिसेम्बर १६ देखि पेरिस र बर्लिनबीच इन्टरसिटी एक्सप्रेसको सुरुवात गरेको छ । कम्पनीले सन् २०२६ मा यी शहरहरुबीच दोस्रो रुट समेत सञ्चालन गर्ने तयारी गरेको छ । कम्पनीले ३२२ किलोमिटर प्रतिघण्टा रफ्तार भएको आईसीई३ नियो ट्रेनमार्फत सेवा दिनेछ । यसमार्फत केवल ८ घण्टाको समयमा दुई सहरबीचको दुरी पार गर्न सकिनेछ ।  

यो यात्राको भाडादर भने प्रतियात्रु ६० डलरबाट सुरु हुनेछ । यस्तै प्रत्येक रेलको यात्रु क्षमता ४४४ जना रहनेछ ।  

इटली

इटलीको सुपर डिलक्स ओरियन्ट एक्सप्रेस– ला डोल्से भिटाले आफ्नो रेल सेवा सन् २०२५ अप्रिलदेखि सुरु गर्नेछ । एक्कोर होटल ग्रुपले निर्माण गरेको यो रेल इटलीको परम्परागत सभ्यता झल्काउने खालको हुनेछ । यसका साथै यसमा लाइभ म्युजिकम,गेम, १२ वटा डिलक्स क्याबिन, १८ वटा डबल बेड र निजी शौचालए भएको सुईट रुम सहित स्टाइलिस बार, लाइभ म्युजिक र गेमको सुविधा हुनेछ ।  

यसका साथै यात्रुले रेलमा फाइभ स्टार होलको सेवा र वाइन समेत पाउनेछन् । पेरिस स्तानबुल, क्रोयसिया जस्ता रुटमा चल्ने यो रेलको टिकट २ ह जार डलर निर्धारण गरिएको छ ।  

ब्रसेल–भेनिस  

सन् २०२३ देखि सेवा सुरु गरेको युरोपियन स्लिपर कम्पनीले ब्रसेल–बर्लिन–पाराग्वे रात्रिकालिन रेल सेवा दिईरहेको छ । कम्पनीले सन् २०२५ मा नयाँ रुटमा समेत सेवा दिने तयारी गरिहरको छ ।  

एमत्राक देखि ओरलियन्स

२० वर्षको अन्तरालपछि अमेरिकी कम्पनी एमत्राकले फेरि सेवा सुरु गर्ने तयारी गरेको छ । सन् २००५ मा आधिहुरीले सामुन्द्रिक ट्रयाकमा क्षति पुर्याएपछि कम्पनीको रेल सेवा बन्द भएको थियो ।  

कम्पनीले जनसंख्या वृद्धि भईरहेको ठाउँ र पर्यटकीय स्थलमा रेल सेवा विस्तारको योजना बनाएको छ ।  

साउदी अरेबिया

साउदी अरेबियाले सन् २०२५ मा मरभुमीमा लक्जरी रेल सेवा सुरु गर्ने तयारी गरेको छ ।