.gif)
_(1).gif)
.png)
काठमाण्डौ । एमाले, माओवादी र रास्वपासहितको सहभागितामा नयाँ सत्ता समीकरण बनेसँगै प्रमुख मन्त्रालय कसले लिने भन्ने विषयमा दलहरुबीच लुछाचुँडी देखिएको छ ।
प्रमुख र आकर्षक मन्त्रालय कुन दलले लिने भन्ने विषयमा दलहरुबीच झगडा देखिएको हो ।
पुरानो गठबन्धन भत्किएर नयाँ गठबन्धन गठन तथा आजै मन्त्रीपरिषद पुनर्गठन गरी सानो आकारको मन्त्रीपरिषद विस्तार गर्ने सहमति भए पनि मुख्य मन्त्रालयका विषयमा दलहरुबीच भागबण्डा मिलेको छैन ।
(1).gif)
नयाँ सत्ता गठबन्धन नबन्दै त्यसमा सहभागी हुने दलहरुले मन्त्रालयमा आ आफ्नो दाबी गरेपछि आजै अढाई बजे पुनः बालुवाटारमा नयाँ गठबन्धनको बैठक बोलाइएको छ । सो बैठकमा गठबन्धनको निर्माण, मन्त्रालय बाँडफाँड तथा अन्य लेनदेनको विषयमा लिखित सहमति गर्ने नेताहरुको दाबी छ ।
सहमति नहुँदा तानातान
यसैबीच, मन्त्रालय बाँडफाँडमा सहमति भइनसक्दै नेताहरुबीच हानाथाप र तानातान सुरु भएको छ । मुख्य गरी गृह, अर्थ, परराष्ट, रक्षा, सूचना तथा सञ्चार मन्त्रालय कुन दलले पाउने भन्ने विषयमा हानाथाप देखिएको छ ।
एमालेले अघिल्लो वर्षको पुस १० गतेअघिकै सेटलाई सरकारमा सहभागी गराउन चाहेको छ । सेयर बजारका लगानीकर्ता र निजी क्षेत्रले समेत ब्राण्डको रुपमा हेर्ने विष्णु पौडेललाई उपप्रधानसहित अर्थमन्त्री बनाएर सरकारको नेतृत्व गर्न पठाउनुपर्ने आज बिहान बालकोटमा बसेको सचिवालय बैठकमा एकखालको सहमति छ ।
तर, माओवादी अर्थमन्त्रालय आफैंसँग राख्न चाहन्छ । योपटक एमालेलाई गृह मन्त्रालय थमाएर अर्थमन्त्री आफैंले राख्ने र त्यसमा वर्षमान पुनलाई पठाउने प्रचण्ड चाहना छ ।
यसरी अर्थमन्त्रीकै विषयमा पनि एमाले र माओवादीबीच सुरुमै तानातान देखिएको छ ।
माओवादीले अर्थमन्त्री आफूसँग राखेर एमालेलाई गृहमन्त्रालयमा कन्भिन्स गर्न चाहेको बुझेपछि राष्टिय स्वतन्त्र पार्टीका अध्यक्ष रवि लामिछाने सुरुवातमै रुष्ट देखिएका छन् । उनी आफैं उपप्रधानसहित गृहमन्त्री समेत भई सरकारमा सहभागी हुन चाहिरहेका छन् । तर, प्रचण्डले गृह मन्त्रालय नदिने संकेत पाएपछि आज उनले पार्टी उपाध्यक्ष डीपी अर्याललाई मात्र सरकारमा पठाउन खोजेका बुझिएको छ ।
प्रमुख मन्त्रालय र त्यसमा जाने नेताहरुको नाममा सहमति हुन समय लाग्ने देखिएपछि माओवादीले पनि आज हितबहादुर तामांगलाई मात्र मन्त्री बनाउने सम्भावना देखिएको छ ।
एमालेबाट पदम गिरी मन्त्री बन्दैछन् ।
विष्णु पौडेल, वर्षमान पुन, रवि लामिछाने लगायतका नेताहरुको सरकारमा सहभागिता र पाउने पोर्टफोलियोको विषय सके आजै, नभए भोलि टुंगो लगाउने शीर्ष नेताहरुको तयारी छ ।
.gif)
.png)
.jpg)
.jpg)
.gif)
.gif)
