(1).gif)
(2).gif)
.png)
काठमाण्डौ । आगामी आर्थिक वर्ष २०८२/८३ को बजेट आज संघीय संसद्को संयुक्त बैठकमा प्रस्तुत हुँदैछ। अर्थमन्त्री विष्णु पौडेलले अपराह्न ३ बजे सार्वजनिक गर्न लागिएको बजेटको आकार १९ खर्ब रुपैयाँभन्दा बढी हुने पक्का भएको छ।
सरकारले बजेटमार्फत निजी क्षेत्रलाई प्रोत्साहन दिने, मध्यम वर्गलाई राहत दिने, कर्मचारीका लागि आकर्षक प्याकेज ल्याउने र ठूला पूर्वाधार आयोजना अगाडि बढाउने तयारी गरेको छ। साथै, चालु आर्थिक अवस्थालाई ध्यानमा राख्दै राजस्व बढाउने उपायहरू पनि समावेश गरिनेछ।
.gif)
मुख्य विशेषताहरू:
-बजेटको आकार: करिब १९ खर्ब रुपैयाँ
-लक्षित समूहहरू: निजी क्षेत्र, मध्यम वर्ग, कर्मचारी
-सांसद विकास कोष: प्रत्यक्ष रूपमा नराखिए पनि परोक्षरूपमा बजेट छुट्याइने
-राष्ट्रिय गौरवका आयोजना: पुराना आयोजनाहरू छानोट गर्दै नयाँ प्राथमिकता
-वृद्धभत्ता: प्राप्त गर्नुपर्ने उमेर बढाउने प्रस्ताव
-सार्वजनिक-निजी साझेदारी (PPP): ठूला सडक आयोजनामा निजी लगानी भित्र्याउने प्रयास
-निजीकरण र मौद्रिकरण: केही सरकारी निकायहरूलाई निजी क्षेत्रमा सुम्पिने योजना
-ढुंगा, गिट्टी, बालुवा (DGB) निर्यात: नीति निर्माण हुँदै, निर्यातलाई प्रोत्साहन
-कर नीतिमा फेरबदल: मध्यम वर्गलाई राहत दिनेगरी आयकर स्ल्याब हेरफेर हुने
राजनीतिक सन्दर्भ:
गृहमन्त्री रमेश लेखकको राजीनामा माग गर्दै संसद अवरुद्ध गरिरहेको प्रमुख प्रतिपक्षी कांग्रेसले बजेट प्रस्तुतिमा अवरोध नगर्ने बताएको छ। यसले अर्थमन्त्रीलाई निर्धारित समयमा बजेट भाषण गर्न सहज भएको छ।
किन विशेष छ यो बजेट?
यो बजेटले आर्थिक पुनरुत्थानको संकेत दिनुपर्नेछ। निजी लगानीको वातावरण बनाउने, जनताको क्रयशक्ति जोगाउने, रोजगारी सिर्जना गर्ने र पूर्वाधारमा दीर्घकालीन लगानी बढाउने अपेक्षा गरिएको छ।
.png)
.jpg)
.jpg)
