एमए डब्लूविरुद्ध तथ्यहीन समाचार प्रकाशन प्रसारण नगर्न अदालतको आदेश

काठमाण्डौ । अटो व्यवसायी तथा उद्योगी सञ्चालक विष्णु अग्रवालविरुद्ध तथ्यहीन समाचार सामाग्री प्रकाशन नगर्न अदालतले आदेश दिएको छ । 

काठमाण्डौ जिल्ला अदालतका न्यायाधीश कृष्णप्रसाद शर्मा नेपालको नेपालको एकल इजलासले एम.ए. डब्लू वृद्धिको पक्षमा अल्पकालीन अन्तरिम आदेश दिएको हो । यस्तै, विपक्षीको रुपमा मुद्दा दायर गरिएका विजनेश नेपाल इन्भेष्टमेन्ट प्रा.लि.को नाममा १५ दिने म्याद सूचना समेत जारी गरिएको अदालतको आदेशमा उल्लेख छ । 

अदालतले विपक्षी विजनेश नेपाल इन्भेष्टमेन्ट प्रा.लि.ले सेरेस लगायतका गाडीहरुको विषयमा भ्रमपूर्ण समाचारहरु प्रकाशन र प्रसारण गरेको भन्दै निवेदक एमए डब्लू वृद्धिको विरुद्ध हुने गरी अप्रमाणित र सत्यतथ्यमा आधारि नभएको समाचार अब आफ्नो वेबसाइट, अनलाइन तथा अन्य माध्यमबाट प्रकाशन, प्रसारण नगर्नु नगराउनु भन्दै अल्पकालीन अन्तरिम आदेश जारी गरेको छ । 

यस्तै, अल्पकालीन आदेशलाई निरन्तरता दिने या नदिने भन्ने विषयमा छलफल आवश्यक भएको भन्दै दुवै पक्षलाई अदालतले जेठ २८ गतेका लागि पेशी तोकी सो दिन उपस्थित हुन समेत आदेश दिएको छ ।  

अदालतले दिएको आदेश यस्तो छः

अदालतको आदेशको विषयमा विपक्षी बनाइएको सो मिडियाको तर्फबाट कुनै प्रतिक्रिया प्राप्त भइसकेको छैन ।