इरानका ६ विमानस्थलमा आक्रमण गरेको इजरायली सेनाको दाबी

काठमाण्डौ । इजरायली सेनाले इरानका ६ वटा विमानस्थलमा आक्रमण गरेको र त्यसमा १५ विमान ध्वस्त भएको र धावनमार्गमा क्षति पुगेको बताएको छ ।

इजरायली रक्षा बलले सामाजिक सञ्जालमा यो हमलाको जानकारी दिएको हो। यी आक्रमणहरू पश्चिमी, पूर्वी र मध्य इरानमा अवस्थित एयरपोर्टहरूमा गरिएको आईडीएफले जनाएको छ।

इजरायली सेनाले धावनमार्ग र भूमिगत बङ्करमा पनि क्षति पुगेको बताएको छ । यसका अलावा आईडीएफका अनुसार यी हवाई हमलामा एफ–१५ र एफ–५ लडाकु विमान, इन्धन भर्ने विमान र एएच–१ कोब्रा आक्रमणकारी हेलिकप्टर ध्वस्त भएका छन् ।

इरानले अहिलेसम्म यी आक्रमणको पुष्टि गरेको छैन।