इरानले अमेरिकी अड्डामा मिसाइल हानेलगत्तै तेलको मूल्यमा पहिरो, क्षणभरमै ४% ले घट्यो

काठमाण्डौ । इरानले अमेरिकी अड्डाहरुमा मिसाइल प्रहार गरेको घटना सार्वजनिक भएलगत्तै विश्वभरका बजारहरुमा उतारचढावपूर्ण अवस्था देखिएको छ । यो क्रममा कच्चा तेलको मूल्यमा पनि पहिरो गएको छ । 

अमेरिकी समय १ः२३ बजेसम्म अमेरिकी कच्चा तेलको मूल्य ४.१ प्रतिशतले घटेर प्रतिब्यारेल ७०.७८ डलरमा झरिसकेको सिएनएनले जनाएको छ । यो आइतबार साँझको ६ प्रतिशतको उछालबाट आएको नाटकीय परिवर्तन हो । आइतबार तेलको मूल्यमा उछालसँगै प्रतिब्यारेल ७८.५० डलर पुगेको थियो । 

सिएनएनका अनुसार तेलको मूल्य अझै घट्नसक्ने सम्भावना देखिन्छ । व्यापारीहरुले इरानसँग अमेरिकी सेनाविरुद्ध प्रतिकार गर्ने क्षमता नरहेको विश्लेषणसहित आफ्नो सम्पत्ति दाउमा लगाइरहेका समेत रिपोर्टमा उल्लेख गरिएको छ ।