(1).gif)
(2).gif)
.jpg)
.png)
काठमाण्डौ । इजरायलले फेरि एकपटक इरानका सर्वोच्च नेता आयतोल्लाह अली खामेनीलाई मार्ने धम्की दिएको छ । यो धम्की इजरायलका रक्षामन्त्री इजरायल काट्जबाट आएको हो । काट्ज आइतबार इजरायली वायुसेनाको रामोन एयर बेसमा आइपुगेका थिए।
इजरायली प्रधानमन्त्री बेन्जामिन नेतन्याहुको उपस्थितिमा उनले आफ्नो देशलाई इरानबाट खतरा भए खामेनी सुरक्षित नहुने बताउदै जसरीपनि उनीसम्म पुग्ने बताए ।
.gif)
काट्जले भने, ‘म खामेनीलाई स्पष्ट सन्देश दिन चाहन्छु कि यदि तपाईंले इजरायललाई धम्की दिनु भयो भने हाम्रो हात फेरि एकपटक इरानसम्म पुग्नेछ । यस पटक यो अधिक बल संग हुनेछ र यस पटक हामी तपाईलाई व्यक्तिगत रूपमा पुग्नेछौं। यस्तो अवस्थामा हामीलाई धम्की नदिनुहोस् नत्र धेरै पीडा हुनेछ।’
गत महिना जुनमा इजरायल र इरानबीच १२ दिनसम्म भीषण युद्ध भएको थियो । यस अवधिमा, इजरायलबाट खामेनीलाई निशाना बनाउने बारे निरन्तर प्रयासहरु भएका थिए । इजरायली एजेन्टहरू उनको धेरै नजिक पुगेको र आफूमाथि खतरा देखेर खामेनी युद्धको क्रममा बंकरमा सरेको समेत दाबी गरिएको थियो ।
इजरायलका रक्षामन्त्री काट्जको अडान इरान र खामेनीप्रति लगातार आक्रामक रहेको छ। गत जुन १७ मा, उनले खामेनीलाई हत्याको धम्की दिदै उनको भाग्य पूर्व इराकी शासक सद्दाम हुसेनको जस्तै हुन सक्ने बताएका थिए ।
.png)
.jpg)
.jpg)
.jpg)
