.gif)
(1).gif)
(2).gif)
(1).gif)
.png)
काठमाण्डौ । प्रभु बैंक लिमिटेडले गत आर्थिक वर्षको चौथो त्रैमासको अपरिष्कृत वित्तीय विवरण सार्वजनिक गरेको छ । जसअनुसार बैंकले ५ अर्ब ४२ करोड रुपैयाँ खुद नाफा कमाएको छ । यो रकम गत आवको सोहि अवधिको तुलनामा ९६५.४१ प्रतिशतले बढी हो । अघिल्लो आवको चौथौ त्रैमाससम्म बैंकले ५१ करोड ८ लाख रुपैयाँ खुद नाफा आर्जन गरेको थियो ।
चौथो त्रैमाससम्म बैंकले ७ अर्ब १९ करोड रुपैयाँ खुद ब्याज आम्दानी गरेको छ । यो रकम अघिल्लो आवको सोहि अवधिको तुलनामा ३९.८७ प्रतिशतले कम हो । अघिल्लो आवमा बैंकले ११ अर्ब ८९ करोड रुपैयाँबराबरको खुद ब्याज आम्दानी गरेको थियो । बैंकको खुद शुल्क तथा कमिशन आम्दानी भने बढेको छ । अघिल्लो आवमा १ अर्ब ९१ करोड रुपैयाँ रहेको खुद शुल्क तथा कमिशन आम्दानी बढेर २ अर्ब २१ करोड पुगेको छ । बैंकको खुद सञ्चालन आम्दानी १३ अर्ब ८ करोड रुपैयाँ र सञ्चालन मुनाफा ६ अर्ब २८ करोड रुपैयाँ रहेको छ ।
.gif)
.gif)
त्यस्तै बैंकको रिटेन्ड अर्निङ १ अर्ब ४ करोड र रिजर्भको आकार १३ अर्ब ५५ करोड रुपैयाँ रहेको छ । बैंकको निक्षेप संकलन ३ अर्ब ५० करोड रुपैयाँबाट बढेर ३ खर्ब ४२ अर्ब रुपैयाँ पुगेको छ । यस्तै कर्जा प्रवाह पनि २ खर्ब २१ अर्बबाट बढेर २ खर्ब ३० अर्ब पुगेको छ ।
यस बैंकको वितरणयोग्य मुनाफा १ अर्ब ४ करोड रुपैयाँ पुगेको छ । अघिल्लो आवमा भने बैंकको वितरणयोग्य मुनाफा ३ अर्ब २ करोड रुपैयाँले ऋणात्मक थियो । बैंकले लाभांश क्षमता समेत ४.४४ प्रतिशत पुर्याएको छ ।
समीक्षा अवधिसम्म बैंकको खराब कर्जा अनुपात वृद्धि भएको छ । अघिल्लो आवको चौथो त्रैमाससम्म ४.९४ प्रतिशत रहेको खराब कर्जा अनुपात बढेर ४.९६ प्रतिशत पुगेको छ ।
बैंकको प्रतिसेयर आम्दानी(ईपीएस)मा उल्लेख्य सुधार भएको छ । अघिल्लो आवमा २.१७ रुपैयाँ रहेको ईपीएस बढेर २३.१२ रुपैयाँ पुगेको छ । बैंकको प्रतिसेयर नेटवर्थ १६२ रुपैयाँ, ,पिई रेसियो ९.६० गुणा र तरलता अनुपात ३९.८१ प्रतिशत रहेको छ ।
.png)
(1).jpg)
(2).jpg)
.jpg)
(2).jpg)
