नेपाल बैंकर्स एसोसिएसन र भिसाबीच सहकार्य गर्ने समझदारी

काठममाण्डौ । नेपाल बैंकर्स एसोसिएसन (एनबीए) ले नेपालमा वित्तीय क्षेत्रमा साइबर सुरक्षा सचेतना र क्षमता अभिवृद्धि गर्ने उद्देश्यले विभिन्न कार्यक्रमहरू र गतिविधिहरू सञ्चालन गर्न डिजिटल भुक्तानीमा विश्वव्यापी अग्रणी भिसासँग सहकार्य सम्झौतामा हस्ताक्षर गरेको छ।  

नेपालमा डिजिटल भुक्तानीलाई अगाडि बढाउन प्रतिबद्ध रहेको लामो समयदेखिको साझेदारीका साथ एनबीए र भिसाले साइबर सुरक्षामा रणनीतिक फोकसका साथ आफ्ना प्रयासहरू जारी राख्नेछन्। संयुक्त पहलले सम्बन्धित सरोकारवालाहरूसँग केन्द्रित अन्तरक्रिया सत्रहरू सहित प्रदेशस्तरिय गतिविधिहरू समेट्नेछ।

मुख्यतया, साझेदारी नेपालभरका सबै प्रदेशहरुमा साइबर सुरक्षा कार्यक्रम सञ्चालन गर्नमा केन्द्रित हुनेछ। प्रादेशिक संलग्नतालाई समर्थन गर्नका लागि विभिन्न निकाय र नियामक निकायका अधिकारीहरूसँग सम्बन्धित सरोकारवालाहरूलाई साथमा ल्याउने व्यापक कार्यक्रम पनि सञ्चालन गरिनेछ। यी गतिविधिहरूका अतिरिक्त, साझेदारीले भिसा अधिकारीहरू र बैंकहरूका अधिकारीहरूबीच केन्द्रित अन्तरक्रियात्मक सत्रहरू सञ्चालन गर्नमा पनि ध्यान केन्द्रित गर्नेछ।

एनबीए र भभिसाले यो रणनीतिक साझेदारीले साइबर सुरक्षा सम्बन्धी मामिलामा चेतना र क्षमता निर्माण गर्नुका साथै अन्तर्राष्ट्रिय अनुभवबाट सिकेर नेपालमा भुक्तानी इकोसिस्टमलाई थप सहयोग र निर्माण गर्न मद्दत गर्ने विश्वास छ।