(1).gif)
(2).gif)
.png)
काठमाण्डौ । रुसमाथि कडा प्रतिबन्धको समर्थन गर्दै अमेरिकी कंग्रेसका दुवै सदनमा नयाँ विधेयक ल्याउने तयारी भइरहेको छ । यसले अमेरिकी राष्ट्रपति डोनाल्ड ट्रम्पलाई भारत र चीनलगायत रुसी तेल खरिद गर्ने देशहरूमा ५०० प्रतिशतसम्म भारी कर लगाउने स्वतन्त्रता दिनेछ।
अमेरिकी सिनेटर लिन्डसे ग्राहमले आफू र हाउस अफ रिप्रिजेन्टेटिभ्स सदस्य (एमपी) ब्रायन फिट्जप्याट्रिक युक्रेनमा अमेरिकी राष्ट्रपति डोनाल्ड ट्रम्पले रुसको युद्धलाई समर्थन गर्ने देशहरूमा ठूलो कर लगाउने अधिकार दिने विधेयकलाई अगाडि बढाउने बताए ।
.gif)
सिनेटर ग्राहम र कांग्रेसका ब्रायन फिट्जप्याट्रिक (दुबै रिपब्लिकन) ले आफूहरुले महिनौंदेखि एक बिलमा काम गरिरहेको बताए, जसअन्तर्गत मस्कोले युक्रेनसँगको शान्ति सम्झौतामा वार्ता गर्न अस्वीकार गरेमा त्यसमाथि कडा प्रतिबन्ध लगाइनेछ। यी प्रतिबन्धहरूमा रुसी तेल खरिदका लागि भारत, चीन र ब्राजिलमाथि थप प्रतिबन्धहरू समावेश छन्। यी देशहरूले पुटिनलाई सस्तो तेल खरिद गरेर आर्थिक सहयोग गरिरहेको उनको तर्क छ ।
सोशल मिडिया प्लेटफर्म एक्समा जारी गरिएको संयुक्त बयानमा, ग्राहमले आफू राष्ट्रपति ट्रम्पको समन्वयात्मक कार्यको लागि आह्वानबाट उत्साहित भएको बताएका छन् ।
उनले चीनले रसियाको तेल र ग्यास सहुलियत दरमा खरिद गरेर पुटिनको युद्ध मिशनलाई साथ दिईरहेको छ, त्यसैले रुसले अमेरिका र यसका नाटो सहयोगीहरूबाट दण्डात्मक शुल्कको सामना गर्नुपर्ने बताएका छन् ।
.png)
.jpeg)
