.gif)
_(1).gif)
.png)
काठमाण्डौ । नेपाल आयल निगमले सर्वसाधारणको ढाड सेकिने गरी पेट्रोलको मूल्य बढाएको छ ।
आइतबार मध्यरातिदेखि लागू हुने गरी पेट्रोलको भाउ प्रतिलिटरमै ४ रुपैयाँको दरले वृद्धि गरिएको हो ।
पछिल्लो मूल्य बढोत्तरीपछि काठमाडौं उपत्यका, पोखरा र दिपायलमा पेट्रोल मूल्य प्रतिलिटर १७५ रुपैयाँ पुगेको छ ।
यस्तै, सुर्खेत र दाङमा १७४ तथा चारआली, विराटनगर, जनकपुर, अमलेखगञ्ज, भलबारी, नेपालगञ्ज र वीरगञ्ज क्षेत्रमा १७२ रुपैयाँ ५० पैसा पुगेको छ ।
(1).gif)
निगमले पेट्रोलको मूल्य बढाए पनि डिजेल, मट्टितेल र खाना पकाउने एलपी ग्याँसको मूल्य भने यथावत राखेको छ ।
निगमले जारी गरेको एक विज्ञप्तिका अनुसार इण्डियन आयल कर्पोरेसन(आईओसी)ले पठाएको नयाँ मूल्यसूचीअनुसार पेट्रोलमा प्रतिलिटर ४ रुपैयाँ ७६ पैसा बढेर तथा डिजेल र मट्टितेलमा ३९ पैसा घटेर आएको छ ।
यस्तै एलपी ग्यासको मूल्य प्रतिसिलिण्डरमा २७ रुपैयाँ ४४ पैसाले घटेर आएको छ । तर मूल्य घटेर आउँदा समेत प्रति सिलिण्डरमा २९६ रुपैयाँ १५ पैसा घाटा रहेकोले मूल्य समायोजन नगरिएको दाबी गरिएको छ ।
मूल्य समायोजनको विषयमा निगमले जारी गरेको विज्ञप्ति:
.png)
.jpg)
.jpg)
.jpg)
.gif)
(1).gif)
.gif)
