प्रमुख निर्वाचन आयुक्तले भने-'बालेनलाई हेलिकोप्टर प्रयोगको अनुमति थियो, सुरक्षाका कारण बीच बाटोबाटै फर्किनुभएको रहेछ'

काठमाण्डौ । कार्यबाहक प्रमुख निर्वाचन आयुक्त रामप्रसाद भण्डारीले राष्ट्रिय स्वतन्त्र पार्टीका वरिष्ठ नेता बालेन शाहलाई मतदानको दिन हेलिकोप्टर प्रयोगको अनुमति दिएको प्रष्ट पारेका छन् ।  

बालेनको नाम नलिई उनले आयोगले हेलिकोप्टर प्रयोगको अनुमति दिएको र अरु दलका नेताहरुलाई समेत त्यस्तो स्वीकृति दिइने गरिएको प्रष्ट पारेका हुन् । 

निर्वाचन शान्तिपूर्ण रुपमा सम्पन्न भएपछि आयोगमा पत्रकार सम्मेलनमा बोल्दै उनले  

केही दलका नेताहरुले स्वीकृति लिएर हेलिकोप्टर लिएर गन्तव्यतर्फ गएको र बीच बाटोमा पुगेर सुरक्षाका कारणले फर्किएको जानकारी आफूहरुले पाएको बताए । 

'उहाँहरुबाटै सुरक्षाका कारणले बीच बाटोबाट फर्किनुभएको जानकारी आएको हो, बाँकी कुरा हामीलाई थाहा हुने कुरा भएन ।' भण्डारीले भने-'उहाँहरुले अनुमति दिएका हौं, यो विगतदेखिकै परम्परा हो ।'