प्रतिनिधिसभा निर्वाचनमा करिब ३ हजार उम्मेदवारको जमानत जफत, ३५० जनालाई शुन्य मत

काठमाण्डौ । फागुन २१ गते सम्पन्न प्रतिनिधिसभा निर्वाचनमा झण्डै २९ सय उम्मेदवारको जमानत जफत भएको छ । निर्वाचन आयोगका अनुसार प्रतिनिधिसभा निर्वाचनमा कुल २ हजार ८९० जनाको जमानत जफत भएको हो ।  

निर्वाचन आयोगका अनुसार निर्वाचनमा उम्मेदवारले कानून बमोजिम निश्चित जमानत (धरौटी) रकम राख्नुपर्ने व्यवस्था रहेकोमा करिब ३ हजार उम्मेदवारले धरौटी जोगाउन नसकेका हुन् ।  

आयोगका अनुसार सदर मतको १० प्रतिशत भन्दा बढी मत प्राप्त गर्ने उम्मेदवारको धरौटी पछि फिर्ता हुने र सदर मतको १० प्रतिशत भन्दा कम मत प्राप्त गर्ने उम्मेदवारको धरौटी फिर्ता नभई राज्यको ढुकुटीमा जफत हुने कानूनी प्रावधान छ । 

जमानत जफत हुने २ हजार ८९० उम्मेदवारमध्ये २५० जना उम्मेदवारको शुन्य मत रहेको आयोगले जनाएको छ ।