अन्तिम घडीमा अमरेश आउट, उद्योग मन्त्रालय बालेनकै हातमा

काठमाण्डौ । बालेन शाह नेतृत्वको नयाँ मन्त्रिपरिषद गठनको अन्तिम चरणमा नाटकीय मोड आएको छ । मन्त्री बन्ने लगभग निश्चित मानिएका अमरेश कुमार सिंहको नाम अन्तिम सूचीबाट हटाइएको छ ।

सुरुवाती सहमति अनुसार सिंहलाई उद्योग मन्त्रालयको जिम्मेवारी दिने तयारी गरिएको थियो । तर अन्तिम समयमा आएको निर्णयले त्यो समीकरण उल्टिएको छ । उद्योग मन्त्रालय अब प्रधानमन्त्री बालेन शाह आफैंले राख्ने भएका छन् ।

यससँगै बालेनले रक्षा मन्त्रालयसँगै उद्योग मन्त्रालय पनि आफ्नै नियन्त्रणमा राख्ने निर्णय गरेका छन् । 

अमरेशकुमार सिंहको सचिवालयले भने उनले मन्त्री बन्न पार्टीबाट आएको प्रस्ताव अस्वीकार गरेको दाबी गरेको छ । यसको कारण भने खुलाइएको छैन । 

उल्लेखनीय छ, अमरेश कुमार सिंह सर्लाही क्षेत्र नम्बर ४ बाट नेपाली कांग्रेसका सभापति गगन कुमार थापालाई पराजित गर्दै प्रतिनिधि सभामा निर्वाचित भएका थिए ।