आजको मन्त्रिपरिषद् बैठकबाट डेपुटी गभर्नर नियुक्ति हुन सक्ने

काठमाण्डौ । नयाँ सरकार गठन भएपछि आज अपराह्न ४ बजे दोस्रो मन्त्रिपरिषद् बैठक बस्दैछ । यो बैठकले राष्ट्र बैंकमा रिक्त दुई डेपुटी गभर्नर नियुक्ति गर्ने सम्भावना रहेको छ । 

नेपाल राष्ट्र बैंकमा तीन सातादेखि डेपुटी गभर्नर पद रिक्त रहेको छ । यहीकारण मौद्रिक नीति, बैंकिङ क्षेत्रको नियमन तथा समग्र वित्तीय स्थिरतामा प्रभाव परिरहेको बताइएको छ । डेपुटी गभर्नरको नियुक्तिकै विषयमा हिजो-आइतबार) अर्थमन्त्री डा. स्वर्णिम वाग्ले र राष्ट्र बैंकका गभर्नर विश्वनाथ पौडेलबीच अर्थमन्त्रालयमा छलफल भएको थियो । सो छलफलकै क्रममै गभर्नर डेपुटी गभर्नरमा नियुक्तिका लागि नामहरु सिफारिस गरिसकेका स्रोतको भनाई छ । 

यस्तै, आजको क्याबिनेटबाट बाँकी केही महत्वपूर्ण पद तथा निकायमा समेत नियुक्ति गर्ने सम्भावना व्यक्त गरिएको छ । आजको बैठकबाट महान्यायाधिवक्ता, राष्ट्रिय योजना आयोगका उपाध्यक्ष  समेत नियुक्त हुनसक्ने दाबी गरिएको छ ।