आ.व.२०८३/८४ को लागि बजेट लेखन समिति गठन, संयोजकमा खत्री

काठमाण्डौ । सरकारले आगामी आर्थिक वर्ष २०८३/८४ का लागि बजेट निर्माणको औपचारिक प्रक्रिया सुरु गरेको छ ।  

अर्थमन्त्री डा. स्वर्णिम वाग्लेले शुक्रबार अर्थ मन्त्रालय अन्तर्गत राजस्व व्यवस्थापन महाशाखाका प्रमुख उत्तर कुमार खत्रीको संयोजकत्वमा बजेट लेखन समिति गठन गरेका हुन् ।

उक्त समितिमा मन्त्रालयका विभिन्न महाशाखा प्रमुखहरूलाई सदस्यका रूपमा राखिएको छ । बजेट वक्तव्यको मस्यौदा तयार गर्ने र बजेटका सिद्धान्त तथा प्राथमिकता निर्धारण गर्ने उद्देश्यले उच्चस्तरीय समिति गठन गरिएको हो । यस्तो समिति हरेक वर्ष बजेट निर्माणअघि बनाइने नियमित प्रक्रिया पनि हो ।

समितिका सदस्यहरूमा बजेट तथा कार्यक्रम महाशाखा प्रमुख डा. सुमन दाहाल, अन्तर्राष्ट्रिय आर्थिक सम्बन्ध महाशाखा प्रमुख डा. धनीराम शर्मा, आर्थिक नीति विश्लेषण महाशाखा प्रमुख महेश भट्टराई र वित्तीय संघीयता समन्वय महाशाखा प्रमुख सेवन्तक पोखरेल रहेका छन् ।