धितोपत्र बोर्डको अध्यक्ष पदका लागि ४ जनाको नाम सर्टलिस्ट, को–को परे ?

काठमाण्डौ । नेपाल धितोपत्र बोर्ड(सेबोन)को अध्यक्ष पद परिपूर्तिका लागि ४ जनाको नाम सर्टलिस्ट भएको छ । सेबोन अध्यक्ष छनौट सिफारिस समितिले बोर्ड अध्यक्ष पदका लागि डा. नवराज अधिकारी, मुकुन्द कुमार क्षेत्री, डो गोपालप्रसाल भट्ट र विनयदेव आचार्यको नाम सर्टलिस्ट गरेको हो ।

समितिले आवेदन दिएका ४७ जना आवेदकमध्येबाट ४ जनाको नाम सर्टलिस्ट गरेको छ । यी ४ जनालाई अन्तरवर्ताका लागि जेठ ८ गते शुक्रबारका दिन अर्त मन्त्रालयमा बोलाइएको छ । जसमध्ये डा. नवराज अधिकारीलाई दिनको १ बजे, विनयदेव आचार्यलाई साढे १ बजे, मुकुन्द कुमार क्षेत्रीलाई २ बजे र डा.गोपाल प्रसाद भट्ट साढे २ बजे बोलाइएको छ ।

सर्टलिस्टमा परेका ४ जनामध्ये तीनजना अवकाश प्राप्त कर्मचारी हुन् भने डा. गोपाल प्रसाल भट्ट राष्ट्र बैंकका पूर्व कार्यकारी निर्देशन हुन् ।

मन्त्रीपरिषदको गत वैशाख ८ गते बसेको बैठकले राष्ट्रिय योजना आयोगका उपाध्यक्ष डा. गुणाकर भट्टको संयोजकत्वमा धितोपत्र बोर्डको अध्यक्ष छनौटका लागि ३ सदस्यीय समिति गठन गरेको थियो । उक्त समितिमा अर्थ सचिव घनश्याम उपाध्याय र पूर्व बैंकर भुवन कुमार दाहाल सदस्य रहेका छन् । गुणाकर भट्टले पछि संयोजकबाट राजीनामा दिएका थिए ।

अध्यक्ष पदका लागि वैशाख २१ गतेसम्म आवेदन दिने समयावधि दिइएको थियो ।

सेबोनका तत्कालिन अध्यक्ष सन्तोष नारायण श्रेष्ठले गत वैशाख ४ गते राजीनामा दिएपछि बोर्डको अध्यक्ष पद रिक्त रहेको छ ।