१२ अर्ब डलरको सुन बिक्री गरेको खबरको विषयमा के भन्छ आरबीआई ?

काठमाण्डौ । भारतको केन्द्रीय बैंक, रिजर्भ बैंक अफ इण्डिया(आरबीआई)ले अरबौँको सुन बेचेको खबरमा सत्यता नभएको जनाएको छ । आरबीआईले सुन बेचेको भन्ने दाबीसहित प्रकाशित भएका मिडिया रिपोर्टहरुलाई खारेज गर्दै त्यसमा कुनै सत्यता नभएको जनाएको हो ।

आरबीआईले आफ्नो सुनको भण्डारमा कुनैपनि कमी नभएको र सबै सुरक्षित भएको जनाएको छ । यस्तै आरबीआईले जारी गरेको प्रेस विज्ञप्तीमा सुनको फिजिकल स्टकको जानकारी प्रत्येक महिनाको बुलेटिनमा दिने गरिएको समेत उल्लेख छ ।

आरबीआईको ताजा बुलेटिनमा हाल फिजिकल स्टक ८८०.५२ टन रहेको र यसमा कुनैपनि बदलाव भएको जनाइएको छ ।

यसअघि तमाम मिडिया रिपोर्टहरुमा आरबीआईले करिब १२ अर्ब डलरबराबरको सुन बिक्री गरेको भन्ने खबरहरु आएका थिए ।