पोखरा–दुबई नियमित उडान शुरु हुने, टिकट बुकिङ खुल्ला , पर्यटन क्षेत्रमा नयाँ उत्साह

काठमाण्डौ । पोखरा अन्तर्राष्ट्रिय विमानस्थलबाट संयुक्त अरब इमिरेट्सको दुबईका लागि नियमित उडान आगामी २३ सेप्टेम्बर २०२६ देखि गर्ने गरी टिकट बुकिङ खुल्ला भएको छ ।  

व्यावसायिक अन्तर्राष्ट्रिय हवाई सेवा शुरु हुने तयारीले पश्चिम नेपालको पर्यटन क्षेत्रमा नयाँ उत्साह थपिएको छ। 

खुला भइसकेको छ, जसले पोखरालाई अन्तर्राष्ट्रिय पर्यटकीय सञ्जालसँग प्रत्यक्ष जोड्ने अपेक्षा गरिएको छ।

हिमाल, ताल र साहसिक पर्यटनका लागि विश्वमै परिचित पोखरामा अब मध्यपूर्वमार्फत युरोप, अफ्रिका र अन्य प्रमुख बजारबाट पर्यटकको आवागमन सहज हुने विश्वास गरिएको छ।  

विशेषगरी दुबईजस्तो अन्तर्राष्ट्रिय ट्रान्जिट हबसँग प्रत्यक्ष हवाई सम्पर्कले लामो दूरीका पर्यटकहरूका लागि पोखरा अझ पहुँचयोग्य बन्नेछ।

सन् २०२३ जनवरी १ मा उद्घाटन गरिएको यो विमानस्थल करिब पाँच दशकको सपना र प्रयासपछि बनेको राष्ट्रिय गौरवको आयोजना हो। 

यद्यपि सञ्चालनमा आए पनि लामो समयसम्म नियमित अन्तर्राष्ट्रिय उडान नहुँदा यसको पर्यटन क्षमताबारे प्रश्न उठ्दै आएको थियो।  

सीमित चार्टर उडान र केही आकस्मिक सेवाबाहेक अन्तर्राष्ट्रिय आवागमन कमजोर रहँदा अपेक्षित पर्यटन वृद्धि हुन सकेको थिएन।