.gif)
_(1).gif)
.png)
काठमाण्डौ । हङकङले भारतका दुईवटा मसला कम्पनीका मसलाहरुमा प्रतिबन्ध लगाएको छ । हङकङको खाद्य सुरक्षा विभागले एमडीएच प्राइभेट लिमिटेड र एभरेष्ट प्रोडक्ट्स लिमिटेडका करी मसलाहरुको बिक्रीमा प्रतिबन्ध लगाएको हो ।
विभागले यी दुवै कम्पनीका मसलाहरुमा कार्सिनोजेनिक पेस्टिसाइड एथिलीन अक्साइडको मात्रा धेरै भेटिएकाले प्रतिबन्ध लगाउने निर्णय गरेको हो ।
यी प्रडक्टहरुमा उल्लेख गरिएको किटनाशकको मात्रा धेरै भएकाले यसले क्यान्सर हुने खतरा बढी हुने जनाइएको छ । हङकङले प्रतिबन्ध लगाउनुअघि सिंगापुरले पनि यहि कारण एभरेष्ट मसलाको फिश करी मसलालाई बजारबाट फिर्ता मगाउने निर्देशन जारी गरेको थियो ।
.gif)
हङकङको खाद्य सुरक्षा विभागले एमडीएम ग्रुपको तीनवटा मसला–मिक्स मद्रास करी पाउडर, साम्भर मसला पाउडर र करी पाउडरमा कार्सिनोजेनिक पेस्टिसाइड एथिलीन अक्साइडको मात्रा धेरै पाइएको जनाएको छ । यस्तै नियमित जाँचका क्रममा एभरेष्टको फिस करी मसलामा पनि यो किटनाशकको मात्रा अधिक पाइएको विभागले जनाएको छ ।
इन्टरनेशनल एजेन्सी फर रिसर्च अन क्यान्सर ले एथिलीन अक्साइडलाई ग्रुप १ कार्सिनोजेनको रुपमा बर्गिकरण गरेको छ । खाद्य नियमनका अनुसार मानव उपभागका लागि पेस्टिसाइड भ्रएको खाद्य प्रदार्थ त्यति बेला मात्रै बिक्री गर्न मिल्छ,जतिबेला उक्त खाद्य पदार्थ स्वास्थ्यका लागि हानिकारक हुँदैन । -एजेन्सी
.png)
.jpg)
.jpg)
.jpg)
.gif)
.gif)
.gif)
