२०२६ विश्वकपमा कीर्तिमानी दर्शक उपस्थिति, कुल र प्रतिखेल औसत संख्या कति ?

काठमाण्डौ । सन् २०२६ को पुरुष विश्वकपले दर्शक उपस्थितिको नयाँ कीर्तिमान कायम गरेको छ। संयुक्त राज्य अमेरिका, क्यानडा र मेक्सिकोमा आयोजना भएको यस प्रतियोगिताका १०४ खेलमा कुल ६८ लाख १० हजार ९६६ दर्शक उपस्थित भएका छन्। साथै, यस प्रतियोगिताले टेलिभिजन दर्शक संख्यामा पनि नयाँ कीर्तिमान बनाएको छ।

फाइनल खेलको दोस्रो हाफमा, आइतबार जुलाई १९ मा स्पेन र अर्जेन्टिनाबीच भएको निर्णायक खेलका क्रममा मेटलाइफ स्टेडियममा ८० हजार ६६३ दर्शकको पूर्ण उपस्थिति रहेको घोषणा गरिएको थियो। यससँगै प्रतियोगिताको अन्तिम कुल दर्शक संख्या निर्धारण गरिएको हो।

विश्वकपको दर्शक उपस्थिति कीर्तिमान समूह चरणमै तोडिएको थियो। प्रतियोगिता आयोजना भएका संयुक्त राज्य अमेरिका, क्यानडा र मेक्सिकोका १६ सहरमध्ये विभिन्न खेलमा गरी समूह चरणमै ३६ लाख ५ हजार ३५७ दर्शक मैदान पुगेका थिए।

यस वर्षको विश्वकप अहिलेसम्मकै सबैभन्दा ठूलो प्रतियोगिता बनेको छ। ४८ टोलीको सहभागितासहित कुल १०४ खेल आयोजना भएका थिए।

यस विश्वकपले टेलिभिजन दर्शक संख्यामा पनि नयाँ कीर्तिमान कायम गरेको छ। सेमिफाइनल खेलहरूले अंग्रेजी र स्पेनी भाषाका प्रसारणमा अहिलेसम्मकै उच्च दर्शक संख्या प्राप्त गरेका थिए। साथै, अमेरिकाको बेल्जियमविरुद्धको राउन्ड अफ १६ खेल अमेरिकी इतिहासकै सबैभन्दा धेरै हेरिएको फुटबल खेल बनेको थियो।

फिफाका अनुसार २०२६ विश्वकपको अन्तिम दर्शक तथ्यांक

कुल दर्शक संख्याः ६८ लाख १० हजार ९६६

प्रति खेल औसत दर्शकः ६५ हजार ४९०

स्टेडियम क्षमताको उपयोगः ९९.७ प्रतिशत