लक्ष्मी सनराइज बैंकको ऋणपत्रमा आवेदन दिन म्याद थप, अब कहिलेसम्म दिन सकिन्छ ?

काठमाण्डौ । लक्ष्मी सनराइज बैंक लिमिटेडको ऋणपत्रमा खरिद आवेदन दिन समयावधि लम्बाइएको छ । बैंकले गत साउन १४ गतेदेखि निष्कmासन गरेको कुल ३ अर्ब रुपैयाँबराबरको ऋणपत्रमा आवेदन दिने म्याद थप गरिएको हो ।

बैंकको ऋणपत्रमा साउन १९ गतेसम्म आवेदन सकिने व्यवस्था गरिएको थियो । तर मागबमोजिम आवेदन प्राप्त नभएकाले बैंकको ऋणपत्रमा साउन २८ गतेसम्म्म आवेदन दिन सकिने व्यवस्था गरिएको छ । मागभन्दा बढी आवेदन प्राप्त भएमा भने निर्धारित समयअगावै बिक्री आवेदन बन्द गरिनेछ ।

बैंकले प्रतिकित्ता १ हजार रुपैयाँ अंकित दरका कुल ३० लाख कित्ता भएको ७ प्रतिशत लक्ष्मी सनराइज डिबेञ्चर २०९२’ नामक ऋणपत्र जारी गरेको छ।

निष्कासन गरिने कुल ऋणपत्रमध्ये १८ लाख कित्ता व्यक्तिगत तवरबाट बिक्री गरिनेछ भने बाँकी १२ लाख कित्ता सर्वसाधारणका लागि सार्वजनिक निष्कासनमार्फत उपलब्ध गराइने छ। सार्वजनिक निष्कासनमध्ये ५ प्रतिशत अर्थात ६० हजार कित्ता सामूहिक लगानी कोषका लागि छुट्याइएको छ।

१० वर्ष अवधिको यो ऋणपत्रको ब्याजरदर ७ प्रतिशत रहनेछ ।

लगानीकर्ताले सि–आस्बा सेवामा सहभागी बैंक तथा वित्तीय संस्था र तिनका शाखा कार्यालयमार्फत आवेदन दिन सक्नेछन्।

इच्छुक लगानीकर्ताले न्यूनतम २५ कित्ता र अधिकतममा सम्पूर्ण कित्ताका लागि खरिद आवेदन दिन सक्नेछन् । उक्त ऋणपत्रको निष्कासन तथा बिक्री प्रबन्धकको रुपमा माछापुच्छ्रे क्यापिटल लिमिटेड रहेको छ।