.gif)
_(1).gif)
काठमाण्डौ । वीरगन्जमा मुख्य कार्यालय रहेको हिमालयन डिस्टिलरी(एचडीएल) नेप्सेमा सूचीकृत एकमात्रै मदिरा उत्पादक कम्पनी हो । नेप्सेमा यो कम्पनीलाई उत्पादन तथा प्रशोधन समूहमा सूचीकृत छ । सन् १९८५ को जुलाई २४ मा प्राइभेट कम्पनीका रुपमा स्थापित यो कम्पनी ११ मार्च २००० मा पब्लिक कम्पनीमा परिणत भएको थियो ।
आधारभूत पक्षः
यस आर्थिक वर्षको तेस्रो त्रैमासिक प्रतिवेदनअनुसार कम्पनीको चुक्तापूँजी २ अर्ब ६७ करोड २५ लाख रुपैयाँ रहेको छ । कम्पनीको जगेडा कोषमा ५२ करोड ८२ लाख ६१ हजार रुपैयाँ रहेको छ ।
यस्तै कम्पनीको कुल पूँजी ३ अर्ब २० करोड रुपैयाँ रहेको छ । कम्पनीको सञ्चालन मुनाफा २ अर्ब ७४ करोड रुपैयाँ रहेको छ । यो भनेको अघिल्लो आर्थिक वर्षको तुलनामा ४६.५१ प्रतिशतले कम हो । कम्पनीको खुद मुनाफा २१ करोड ४ लाख १६ हजार रुपैयाँ रहेको छ । जुन अघिल्लो आवको तुलनामा ६३.५ प्रतिशतले कम हो ।
कम्पनीको प्रतिसेयर आम्दानी १०.५ प्रतिशत रहेको छ । यो पनि अघिल्लो आर्थिक वर्षको तुलनामा करिब ६७ प्रतिशतले कम हो । कम्पनीको बुक भ्यालु ११९.७७ रुपैयाँ रहेको छ । कम्पनीको रिर्टन अन इक्विटी ८.७७ प्रतिशत छ । जुन अघिल्लो आर्थिक वर्षको तुलनामा ६२.७७ प्रतिशत कमि हो ।
प्राविधिक पक्षः
फिवोनासी को आधारमा
फिवोनासी एक्सटेन्सन एउटा यस्तो टुल हो, जसले एकपटक बढेपछि बजार घट्दा कतिसम्म तल आउन सक्छ र कति–कतिमा टेवा लिन्छ भन्ने विषय अनुपातका आधारमा संकेत गर्छ । बढ्दा पनि कति–कति प्रतिशतमा प्रतिरोध गरेको हुन्छ भन्ने यी अनुपातबाट अनुमान लगाउन सकिन्छ । यस्ता अनुपातलाई फिवोनासी गोल्डेन अनुपातहरु पनि भनिन्छ ।
(1).gif)
ती अनुपातहरु २३.६, ३८.२, ५०, ६१.८ र १०० प्रतिशत हुन् । यो सिद्धान्तअनुसार हाल घटिरहेको यो कम्पनीको सेयरभाउ ०.२३ को टेवा २२७६ , ०.३८ को टेवा १९३८ तथा ०.५ को टेवा १६३५ र ०.६१ को टेवा १२६० सम्म कम्पनीको सेयर भाउ आउन सक्ने देखिन्छ ।
फिएर एण्ड ग्रिड मिटरको आधारमा
फिएर एण्ड ग्रिड मिटरको आधारमा यो कम्पनी हाल वियरिस सेन्टिमेन्टमा चलेको छ । कम्पनीको ५२ साताको उच्च मूल्य प्रतिकित्ता २ हजार ४३८ रुपैयाँ रहको छ भने न्यून मूल्य प्रतिकित्ता १ हजार ३३५ रुपैयाँ रहेको छ । आज दोस्रो बजारमा यो कम्पनीको सेयर भाउ प्रतिकित्ता १ हजार ३३५ रुपैयाँमा अन्तिम कारोबार भएको छ । यस कम्पनीमा ५८ प्रतिशत संस्थापक र ४२ प्रतिशत सर्वसाधारण समूहको सेयर स्वामित्व रहेको छ । कम्पनीको १० वर्षको औषत लाभांश दर ५३ प्रतिशत रहेको छ ।
बोलिङगर ब्याण्ड , म्याक्डी र आरएसआई
डेली बेसमा यो कम्पनी बोलिङगर ब्याण्डको आधारमा लामो समय तल्लो ब्याण्डमा चलेको देखिन्छ । पछिल्लो समय लोवर ब्याण्डलाई पनि ब्रेक गरेर तल गएको छ । यसले यो कम्पनीमा बिक्री दबाव परेको मान्न सकिन्छ । योसँगै उच्च भोल्युम पनि आएको छ । म्याक्डीमा वियरिस क्रसओभर बनेको छ भने हिस्टोग्रामहरु लामा–लामा हुँदै गएका छन् । आरएसआई हाल ओभर सोल्ड जोन २१ को तहमा रहेको छ । समग्रमा तीन वटै इन्डिकेटरबाट हेर्दा कम्पनीको सेयर भाउमा अत्यधिक बिक्री दबाव आएको कारण अबको केही समय पछि बाउन्स आउन पनि सक्छ ।
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –१५०९
प्रतिरोध २ –१५४९
प्रतिरोध १– १५८०
पिभट प्वइन्टः १४८०
घटेमा सपोर्ट
सपोर्ट ३– १३७०
सपोर्ट ४– १३३०
सपोर्ट ५ –१२९०
कम्पनीकोे सेयरमूल्यले यसअघि नै सपोर्ट १,२, र ३ भत्काई सकेको छ ।
निष्कर्षः आधारभुत रुपमा कम्पनीलाई नियाल्दा पछिल्लो वर्षमा आर्थिक सूचकहरु भारी मात्रामा घटेको देखिन्छ । कम्पनीको सञ्चालन मूनाफा, रिर्टन अन इक्विटी र प्रतिसेयर आम्दानी घटेको देखिन्छ । खुद मुनाफामा पनि गिरावट आएको छ । कम्पनीका अधिकांश वित्तीय सूचकहरुमा ६० प्रतिशत भन्दा बढीले गिरावट आएको छ । तीन वर्ष अगाडी दोस्रो बजारमा यो कम्पनीको सेयर भाउ ८ हजार रुपैयाँसम्म पुगेको थियो ।
तर कम्पनीको पूँजी बढ्दै जाँदा रिर्टन अन इक्विटी र सञ्चालन मुनाफामा भारी गिरावट आउनुका साथै कम्पनीको सेयर भाउमा समेत भारी गिरावट आएको छ । कुनै बेलाको ब्लु चिप मानिने यो कम्पनी लगानीकर्ताहरुमा निकै आकर्षक मानिन्थ्यो । कम्पनीको सेयर भाउमा यसरी भारी गिरावट आउनुको मुख्य कारण कम्पनीको प्रतिसेयर आम्दानीमा भारी गिरावट आउनु हो । २०७६ सालमा यो कम्पनीको प्रतिसेयर आम्दानी १३९ रुपैयाँ र बुक भ्यालु २५६ रुपैयाँ रहेको थियो ।
तर हाल कम्पनीको बुक भ्यालु नै ११९ रुपैयाँमा आएको छ भने प्रति सेयर आम्दानी १० रुपैयाँमा सीमित भएको छ । प्राविधिक रुपमा कम्पनीको सेयर भाउ भने करिब–करिब बलियो सपोर्ट विन्दुमा आएको देखिन्छ । फिवोनासीमार्फत हेर्दा कम्पनीको सेयर भाउले ०.६१ प्रतिशतको सपोर्ट विन्दु १२६० आसपास बलियो सपोर्ट लिन सक्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.png)
.jpg)
.jpg)
.jpg)
.gif)
(1).gif)
.gif)
