.gif)
.png)
काठमाण्डौ । भोटेकोशी नदीमा आएको भीषण बाढीका कारण प्रभावित तथा फसेका १२३ जनाको नेपाली सेनाले आज बिहान हेलिकप्टरमार्फत सकुशल उद्धार गरेको छ। उद्धार गरिएकामध्ये टिमुरे क्षेत्रबाट मात्रै ९५ जना रहेका छन्।
नेपाली सेनाका अनुसार टिमुरेबाट उद्धार गरिएका ९५ जनामध्ये ८ जना विदेशी नागरिक रहेका छन्। उद्धार गरिएका विदेशी नागरिकलाई हेलिकप्टरमार्फत काठमाडौं ल्याउने तयारी भइरहेको छ भने अन्यलाई धुन्चे ल्याउने व्यवस्था मिलाइएको छ।
यसैगरी, हाकुस्थित एक जलविद्युत् आयोजनाको टनेलमा बाढीका कारण फसेका ७ जनाको जीवितै उद्धार गरिएको सेनाले जनाएको छ। हाकु क्षेत्रका अन्य तीनवटा टनेलमा समेत उद्धार कार्य जारी रहेको बताइएको छ।
टिमुरे क्षेत्रमा हराइरहेका २१ जना भारतीय पर्यटकको समेत सकुशल उद्धार गरिएको नेपाली सेनाले जनाएको छ। उनीहरूलाई हेलिकप्टरमार्फत काठमाडौं ल्याउने क्रम जारी रहेको बताइएको छ।
भोटेकोशी बाढीपछि प्रभावित तथा जोखिममा परेका नागरिकको खोजी तथा उद्धारका लागि नेपाली सेनाले स्थल तथा हवाई माध्यमबाट उद्धार अभियानलाई तीव्रता दिएको छ। बाढीबाट प्रभावित विभिन्न क्षेत्रमा अझै खोज तथा उद्धार कार्य जारी रहेको सेनाले जनाएको छ।
.png)
_NIvOroQdtI.webp)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।