.gif)
.gif)
.png)
काठमाण्डौ । जेन–जी अभियानी तथा कानुनका विद्यार्थी माजिद अन्सारीले पूर्वप्रधानन्यायाधीश चोलेन्द्र शमशेर जबरालाई ‘सुरक्षा थ्रेट’ रहेको भन्दै प्रहरीले नियन्त्रणमा लिएको घटनामाथि प्रश्न उठाएका छन्।
आइतबार सामाजिक सञ्जालमार्फत प्रतिक्रिया जनाउँदै अन्सारीले सुरक्षा जोखिम देखिएको अवस्थामा जोखिममा परेका व्यक्तिलाई प्रहरी कार्यालय लैजानुभन्दा सम्भावित धम्की दिने व्यक्तिमाथि कारबाही हुनुपर्ने आशय व्यक्त गरेका हुन्।
उनले प्रश्न गरेका छन्– यदि भोलि प्रधानमन्त्री बालेन्द्र शाह वा गृहमन्त्री सुधन गुरुङलाई पनि सुरक्षा थ्रेट भयो भने उनीहरूलाई नै प्रहरी चौकीमा लगेर राख्ने हो ?
अन्सारीले जबरालाई जेन–जी समूहबाट सुरक्षा खतरा रहेको भनिएको भए त्यस्तो धम्की दिने व्यक्ति को हो र किन अहिलेसम्म पक्राउ गरिएको छैन भन्ने प्रश्नसमेत उठाएका छन्।
उनले सामाजिक सञ्जालमा लेख्दै पूर्वप्रधानन्यायाधीशजस्तो सरकारी सुरक्षाघेरामा रहेका व्यक्तिलाई नै सुरक्षा थ्रेट दिन सक्ने व्यक्तिको पहिचान र कारबाहीबारे सरकारले स्पष्ट जवाफ दिनुपर्ने बताएका छन्।
(1).gif)
यसैक्रममा उनले पूर्वप्रधानमन्त्री केपी शर्मा ओलीसँग तुलना गर्दै जबरालाई देखिएको भनिएको सुरक्षा जोखिमको आधार के हो भन्ने प्रश्न गरेका छन्। यी अभिव्यक्ति अन्सारीका राजनीतिक तथा सार्वजनिक टिप्पणी हुन्; प्रहरीले भने जबरालाई नियन्त्रणमा लिनुको कारण ‘सुरक्षा चुनौती’ रहेको बताएको छ।
प्रहरीले आइतबार बिहान करिब ३ बजे महाराजगञ्जस्थित निवासबाट जबरालाई टेकुस्थित काठमाण्डौ उपत्यका अपराध अनुसन्धान कार्यालयमा लगेको थियो। प्रहरीले उनलाई पक्राउ गरिएको नभई सम्भावित सुरक्षा जोखिमका कारण सुरक्षित स्थानमा राखिएको दाबी गरेको थियो।
प्रहरीले भने जबरामाथि देखिएको भनिएको सुरक्षा खतरा कसबाट आएको हो, त्यसको प्रकृति के थियो वा किन निवासमै थप सुरक्षा व्यवस्था नगरी कार्यालय लगियो भन्ने विषय सार्वजनिक रूपमा स्पष्ट गरेको छैन।
करिब १० घण्टापछि जबरालाई आफन्तको जिम्मा लगाइएको थियो। प्रहरीले उनको निवासमा सुरक्षा बढाइने जनाएको छ।
घटनापछि जबरालाई नियन्त्रणमा लिनुको कानुनी आधार र ‘सुरक्षा थ्रेट’को व्यवस्थापन गर्ने प्रहरीको तरिकालाई लिएर सार्वजनिक बहस चर्किएको छ।
.png)
.gif)
.jpg)
.jpg)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।