.gif)
.gif)
.gif)
.png)
काठमाण्डौ । मेडिकल व्यवसायी दुर्गा प्रसाईंलाई अनुसन्धानका लागि तीन दिन हिरासतमा राख्न जिल्ला अदालत काठमाण्डौले अनुमति दिएको छ ।
सोमबार पक्राउ परेका प्रसाईंलाई साइबर ब्युरोले म्याद थपका लागि जिल्ला अदालतमा उपस्थित गराएको थियो । अदालतले थप अनुसन्धानका लागि उनलाई तीन दिन हिरासतमा राख्न अनुमति दिएको हो ।
राष्ट्रिय स्वतन्त्र पार्टीकी सांसद रचना खतिवडाको उजुरीका आधारमा साइबर ब्युरोको टोलीले सोमबार बिहान प्रसाईंलाई पक्राउ गरेको थियो ।
प्रसाईंले सामाजिक सञ्जालमार्फत रचना खतिवडा र उनका दिवंगत छोरा रसिक खतिवडासँग सम्बन्धित विषयमा अपमानजनक टिप्पणी गरेको आरोप लागेको छ । त्यसै विषयमा परेको उजुरीका आधारमा प्रहरीले उनलाई नियन्त्रणमा लिएको हो ।
(1).gif)
प्रसाईं यसअघि पनि विभिन्न प्रकरणमा पटक–पटक पक्राउ पर्दै आएका छन् ।
यसअघि गत साउन १८ गते उनी सर्वोच्च अदालतको आदेशपछि रिहा भएका थिए । त्यसैगरी, भदौ ४ गते उनको घरमा प्रहरीले खानतलासीसमेत गरेको थियो ।
सर्वोच्च अदालतको आदेशपछि उक्त खानतलासीका क्रममा बरामद गरिएका सामान प्रहरीले फिर्ता गरेको थियो ।
हाल भने प्रसाईंमाथि साइबर अपराधसम्बन्धी कसुरमा अनुसन्धान भइरहेको छ ।
.png)
.gif)
.jpeg)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।