यामाहाको ‘चङ्गा चेट’ अभियानमा सरस्वतीले जितिन् १० लाख ३ हजार रुपैयाँ

काठमाण्डौ ।  यामाहा नेपालको चाडपर्व लक्षित अभियान ‘चङ्गा चेट, जितको नयाँ अपग्रेड’ अन्तर्गत बुटवलकी सरस्वती खनाल रायमाझीले १० लाख ३ हजार रुपैयाँ नगद पुरस्कार जितेकी छन्।

रायमाझीले बुटवलस्थित यामाहाको आधिकारिक शोरुम बाइकर्ज बुटवल प्रा.लि.बाट Yamaha RayZR 125-FI Street Rally Hybrid खरिद गरेकी थिइन्। सोही खरिदमार्फत उनी अभियानको ग्रान्ड प्राइज विजेता बनेकी हुन्।

कम्पनीका अनुसार उनले १० लाख ३ हजार रुपैयाँ बराबरको ग्रान्ड क्यासब्याक प्राप्त गरेकी छन्।

पुरस्कार जितेपछि रायमाझीले यामाहा RayZR खरिदसँगै ठूलो नगद पुरस्कार जित्न पाउँदा अनुभव थप विशेष बनेको प्रतिक्रिया दिएकी छन्।

यामाहाले ‘चङ्गा चेट, जितको नयाँ अपग्रेड’ अभियान अझै जारी रहेको जनाएको छ। अभियान अवधिभर यामाहाका मोटरसाइकल तथा स्कुटर खरिद गर्ने ग्राहकले विभिन्न पुरस्कार जित्ने अवसर पाउने कम्पनीले जनाएको छ।

कम्पनीका अनुसार ग्राहकले अभियानअन्तर्गत १० लाख रुपैयाँसम्मको पुरस्कार जित्ने अवसर प्राप्त गर्न सक्नेछन्।