TVS NTORQ प्रस्तुत ‘हसल बाई नेपहप’ नेपालमा आउँदै

काठमाण्डौ । भारतीय चर्चित र्‍याप रियालिटी शो ‘MTV Hustle’ को नेपाली फ्रेन्चाइज ‘Hustle by NepHop’ नेपालमा आउने भएको छ। कार्यक्रमको टाइटल स्पोन्सरमा TVS NTORQ आबद्ध भएको छ।

मलिन मिडिया एन्ड इभेन्ट प्रालिले नेपालमा ल्याउन लागेको यो कार्यक्रम ‘TVS NTORQ Presents Hustle by NepHop’ का रूपमा प्रस्तुत हुनेछ। कार्यक्रम कान्तिपुर टेलिभिजनमार्फत प्रसारण गर्ने तयारी गरिएको आयोजकले जनाएको छ।

अन्तर्राष्ट्रिय र्‍याप रियालिटी शोको अवधारणामा आधारित भए पनि कार्यक्रममा नेपाली कलाकार, उनीहरूका मौलिक कथा, स्थानीय संस्कृति, सामाजिक परिवेश र नेपाली हिप–हप पहिचानलाई प्रमुख स्थान दिइनेछ।

कार्यक्रममा प्रतिस्पर्धा, मेन्टरसिप र सांगीतिक प्रस्तुतिलाई प्राथमिकता दिइनेछ। स्थापित र्‍यापरदेखि नयाँ प्रतिभासम्मलाई राष्ट्रियस्तरमा आफ्नो कला र सिर्जनशीलता प्रस्तुत गर्ने अवसर दिने उद्देश्य राखिएको छ।

युवापुस्ताको ऊर्जा, सिर्जनशीलता र आत्मविश्वाससँग जोडिएको ब्रान्डका रूपमा TVS NTORQ ले नेपाली हिप–हप संस्कृतिको प्रवर्द्धनमा सहकार्य गर्न कार्यक्रमको टाइटल स्पोन्सर बनेको जनाइएको छ।

‘गल्लीदेखि ग्लोरीसम्म’ भन्ने मूल भावनासहित सञ्चालन हुने ‘Hustle by NepHop’ ले नेपाली हिप–हप प्रतिभालाई राष्ट्रिय मञ्च उपलब्ध गराउने अपेक्षा गरिएको छ।

कार्यक्रमको प्रसारण मिति तथा अन्य विस्तृत जानकारी भने पछि सार्वजनिक गरिने आयोजकले जनाएको छ।